Mohohet tërheqja nga projekti GPS: Është gënjeshtër ekskluzive e Nacionales
Sot gjatë ditës është raportuar një gënjeshtër e madhe në lidhje me “tërheqjen” e FFK-së nga projekti i GPS-ëve, duke u thirrur në ekskluzivitet. Burimet e Demokracia.com brenda FFK-së bëjnë me dije që nga ky raportim nuk ka asnjë të vërtetë dhe aq sa është qesharak është po aq edhe qëllim-keq.
Federata e Futbollit e Kosovës në kuadër të projekteve për dixhitalizim ka sponsorizuar klubet e Superligës për 2 vite (1+1; 2021-2023) duke i pajisur me sistemin GPS, i cili bënë matjet e performancave të lojtarëve në lojë dhe gjatë seancave stërvitore. (shih foto 1)
Ky projekt ka filluar në vitin 2021 dhe mbaron në vitin 2023, duke ju lënë hapësirë klubeve që të negociojnë vet nëse duan të jenë përdorues të sistemeve të tilla nga prodhues të ndryshëm dhe jo vetëm nga kompania me të cilën FFK ka marrëveshje.
Meqë këtë vit skadon marrëveshja, kompania FIT Together ka kontaktuar zyrtarët në FFK, duke kërkuar kontaktet direkt me klubet për të parë mundësitë dhe interesimin e tyre për blerje të pajiisjeve dhe shërbimit. (Shih foto 2)
Tutje, ky projekt që për dy vite kap vlerën 780.000 USD, për shkak të bashkëpunimit korrekt me FFK-në pajisja GPS është ofruar për klube me çmime preferenciale. (Shih foto 3)
Kjo është vetëm edhe një tjetër tentative e individëve të caktuar për të destabilizuar zhvillimin e futbollit ne vend, sidomos në aspektet inovativ dhe në hap me trendet botërore.
Klubet e Superligës së Kosovës ne vitit 2021-2022-2023 kanë përdorur pajisjen dhe kanë rezultuar të jenë të kënaqur me të, duke e ritheksuar që matjet me këtë pajisje kanë shërbyer në cikle stërvitore, në përgatitje fizike dhe mbi të gjitha ne nevojën që secili klub të ketë përgatitës atletik.
Kontrata e FFK-së me FITOGETHER është valide deri në fund të këtij sezoni.
Kjo mbase dikujt edhe i pengon, por që për FFK-në duhet të jetë vetëm motiv shtesë për rrugën drejt zhvillimit të mëtutjeshëm.
