FC Ferizaj: Sulmet ndaj FFK-së janë të pabaza dhe dëmtojnë futbollin kosovar

FC Ferizaj ka reaguar ashpër ndaj sulmeve publike të vazhdueshme që janë drejtuar ndaj Federatës së Futbollit të Kosovës (FFK) dhe drejtuesve të saj, përfshirë kryetarin Agim Ademi. Në reagimin e klubit theksohet se sulmet e organizuara nga disa opinionistë të mediave, anëtarë të shoqërisë civile dhe media të caktuara, janë të padrejta dhe të pabazuara.

Sipas FC Ferizaj, këto sulme nuk kanë qëllim tjetër përveçse të krijojnë një imazh të rremë për situatën në futbollin kosovar, duke dëmtuar imazhin e klubeve dhe përpjekjet e sportistëve. Klubi përmend se në një nga debatet televizive të fundit, FFK dhe klubet ishin në shënjestër të akuzave nga një gazetar i njohur, pa ofruar fakte të qëndrueshme.