Dramë e paparë në Milano – Inter kaloi në avantazh në minutën e 94-t, më pas Verona humbi penalltinë për barazim
Interi e nisi me fitore vitin e ri, pasi në ndeshjen e sotme që hapi xhiron e 19-të në Serinë A mposhti Veronën, me rezultat minimal 2-1. Heroi i liderit të tabelës është Fratesi i cili shënoi golin me vlerë të tre pikëve në minutën e 94-t.
Pas barazimit me Genoan në ndeshjen e fundit të vitit 2023, djemtë e Simone Inzaghit vrapuan në fushë pasditen e sotme me imperativin për t’u rikthyer në rrugët e fitoreve. Lautaro Martinez i dha epërsinë skuadrës së tij 1-0. Në pjesën e parë, “neroazuret” u larguan me një avantazh minimal dhe sapo filloi pjesa e dytë, Lautaro mposhti sërish Montipon, por goli u anulua për shkak të pozicionit jashtë loje. Verona e priti me durim shansin e vet dhe ai erdhi në minutën e 74-t, kur Thomas Henry pranoi një top të shkëlqyer nga Duda dhe me një konvertim të sigurt barazoi rezultatin në 1-1. Vetëm pak minuta më vonë ndodhi një mrekulli në “Giuseppe Meazza”, pasi Arnautovic ishte në vendin e gabuar pas një goditjeje të shkurtër nga këndi dhe pa dashur nuk lejoi që topi të përfundonte në rrjetën e mysafirëve. Në fund të fundit, asi austriak ishte sërish në qendër të vëmendjes për shkak të një tjetër dështim të madh, këtë herë me gjuajtje me kokë vetëm nga një metër nuk arriti të dërgojë topin në portë.
Mirëpo, në minutën e katërt të shtesës në Milano ndodhi një shpërthim në tribuna, pasi Fratesi u gjend në vendin e duhur pas goditjes së Barellës dhe shënoi për 2-1. Por kjo nuk ishte e gjitha sepse emocionet e kësaj ndeshjeje nuk kishin të ndalur, pasi në sulmin e radhës Darmian bëri një faull të panevojshëm në zonën e tij të penalltisë dhe Verona fitoi penallti. Shënuesi i golit të parë, Henry, mori përgjegjësinë, por gjuajti shumë keq dhe goditi vetëm shtyllën, duke lejuar kësisoj fitoren e Interit.
