“Do të ishte e mrekullueshme” – Antonio Conte ëndërron Scudetton me Napolin pasi mori kryesimin në Serie A
Antonio Conte pranon se fitimi i Scudettos me Napolin në sezonin e tij të parë “do të ishte i mrekullueshëm”, pasi tashmë kanë kaluar tre pikë përpara Interit me vetëm katër javë të mbetura.
Pas fitoreve ndaj Monzës dhe Torinos, dhe humbjeve të Interit ndaj Bolognas dhe Romës, Napoli kryeson tabelën.
“Kanë mbetur katër hapa. Është gjithçka në duart tona”, ka thënë Conte për DAZN.
Conte theksoi se nuk kishte ndjekur humbjen e Interit nga Roma: “Vuajmë mjaft me ndeshjet tona. Nuk ka arsye të vuajmë edhe për të tjerët”.
Scott McTominay shënoi dy gola dhe mbështetjen e fuqishme të tifozëve, Napoli ka rifituar vrullin dhe besimin. Conte vlerësoi përparimin e ekipit dhe punën në skuadër.
“Kemi 74 pikë dhe jemi afër sigurimit të Ligës së Kampionëve. Scudetto do të ishte shpërblimi më i madh”, deklaroi italiani.
