Dardanët U21 triumfojnë në miqësoren ndaj Moldavisë; Tovërlani përgëzon djemtë

Kombëtarja U21 e Kosovës ka shënuar fitore në ndeshjen e dytë miqësore në kuadër të grumbullimit në Antalya të Turqisë. Pas humbjes (1:2) kundër Turqisë, djelmoshat e drejtuar nga Afrim Tovërlani kanë triumfuar ndaj Moldavisë, në ndeshjen e zhvilluar në Belek, me rezultat 2:1. Dardanët U21 e dominuan lojën plotësisht nga fillimi dhe arritën të kalojnë në epërsi qysh në minutën e 7-të, me golin e Medin Gashit. Edhe në vazhdim loja u dominua nga Kosova, por përkundër disa rasteve nuk u gjet goli i dytë. Ndërkohë, moldavët arritën t’I barazojnë shifrat posa nisi pjesa e dytë. Megjithatë, ky gol nuk I zmbrapsi djemtë dardanë, të cikët arritën që të rikthehen shpejtë dhe të shënojnë golin e fitores përmes zëvendësuesit Kevin Krasniqi, në minutën e 65-të. Përzgjedhësi Afrim Tovërlani e vlerësoi paraqitjen e ekipit të tij si shumë të mirë, derisa i përgëzoi djemtë për angazhimin dhe fitoren e realizuar. “Një paraqitje mjaft e mirë dhe një angazhim maksimal, edhe pse në këtë grumbullim kemi pasur shumë ndryshime. Krejt mesfusha është e ndryshme prej grumbullimit të muajit nëntor. Besoj se edhe me Turqinë kemi pasur paraqitje shumë të mirë, mirëpo ata janë shumë më të fortë se sa Moldavia. I përgëzoj djemtë për këtë angazhim dhe për këtë fitore, e cila sigurisht se do të na shërbejë që të kemi vazhdimësi më të mirë, por edhe djemtë do të fitojnë vetëbesim”, ka theksuar Tovërlani pas ndeshjes.