Bayern Munich demolon Dinamo Zagrebin  

Bayern Munichu tregoi fuqinë e tij të padiskutueshme në xhiron e parë të Ligës së Kampionëve, duke mposhtur Dinamo Zagrebin me një rezultat të thellë 9-2. Skuadra bavareze, që shihej si favorit i qartë, e justifikoi plotësisht këtë epitet me një paraqitje mbresëlënëse në Allianz Arena. 

Nën drejtimin e trajnerit Vincent Kompany, Bayern filloi fuqishëm dhe dominoi qysh në fillim të ndeshjes, duke siguruar tre gola të shpejtë në pjesën e parë. Ylli i ekipit, Harry Kane, Guerrero dhe Michael Olise shënuan secili nga një gol, duke e çuar Bayernin në pushim me një avantazh komod prej 3-0. 

Pavarësisht disavantazhit, Dinamo Zagrebi tregoi forcë në fillim të pjesës së dytë. Brenda vetëm një minute, mes minutës së 49-të dhe 50-të, Petkoviç dhe Ogivara realizuan dy gola, duke e bërë rezultatin 3-2 dhe duke i dhënë një shtysë ekipit kroat për një kthesë të mundshme. Megjithatë, Bayerni nuk u dorëzua dhe riktheu kontrollin e ndeshjes shpejt. 

Harry Kane, i cili ishte ylli i ndeshjes, realizoi edhe një herë në minutën e 58-të, duke sjellë avantazhin e dyfishtë për Bayernin (4-2). Vetëm tre minuta më vonë, Michael Olise realizoi golin e tij të dytë personal, duke e çuar rezultatin në 5-2. Pavarësisht përpjekjeve të Dinamos për të zvogëluar hendekun, bavarezët nuk u ndalën dhe vazhduan sulmet e tyre të pandalshme. 

Harry Kane kompletoi hat-trick-un e tij në minutën e 73-të përmes një penalltie dhe më pas realizoi edhe golin e katërt personal në minutën e 78-të, gjithashtu nga pika e bardhë, duke çuar rezultatin në 7-2. Leroy Sane shtoi një tjetër gol në minutën e 84-të, ndërsa Leon Goretzka vulosi fitoren e madhe me një gol në minutën e dytë të kohës shtesë, duke e çuar rezultatin në 9-2. 

Kjo fitore e madhe e Bayernit dëshmoi se skuadra është e gatshme për sfidat e mëdha në Ligën e Kampionëve këtë sezon, duke dërguar një mesazh të fortë për rivalët.