Arsenali shokohet nga Lens
Lensi e ka mposhtur Arsenalin 2-1 në ndeshjen që u luajt në kuadër të fazës së grupeve në Ligën e Kampionëve.
Pas 14 minutash lojë, Gunners kaluan në epërsi me golin e Gabriel Jesus, që u asistua prej Bukayo Sakas.
Por, vendasit i barazuan shpejt shifrat në 1-1, kur realizuan me anë të Adrien Thomasson (25’), që u asistua prej Elye Wahi.
Pjesa e parë përfundoi me këto dy gola, derisa në të dytën Lens shokoi londinezët.
Ishte Wahi që realizoi për 2-1 në minutën e 69-të, me një asistim të FrankoWskit.
Arsenali u mundua deri në fund që të merrte së paku një pikë, mirëpo francezët e mbajtën epërsinë deri në fund.
Lens me këtë fitore është lider me katërt pikë, aq sa ka Sevilla në të dytin, Arsenali me tri dhe PSV ende pa pikë.
