Ansu Fati drejt largimit nga Barcelona: Nuk është në planet e klubit
E ardhmja e Ansu Fati-t te Barcelona duket gjithnjë e më e pasigurt, pasi mediat spanjolle raportojnë se sulmuesi i talentuar nuk është më pjesë e planeve kryesore të ekipit. Në fillim të sezonit, ishte e qartë se Fati nuk po gëzonte besimin e trajnerit dhe po aktivizohej kryesisht në minuta të kufizuara.
Largimi duket i pashmangshëm
22-vjeçari ka luajtur vetëm në shtatë ndeshje këtë sezon, ku vetëm një herë ishte në formacionin titullar. Kjo situatë ka nxitur spekulimet për largimin e tij gjatë verës së ardhshme. Barcelona është e vendosur ta shesë sa më shpejt për të përfituar një shumë të lartë transferimi, duke pasur parasysh se Fati ka kontratë me klubin deri në vitin 2027.
Kandidatë nga Amerika dhe Arabia, por preferenca është Evropa
Ndër klubet e interesuara për shërbimet e tij janë Inter Miami nga SHBA, Al-Nassr dhe Al-Hilal nga Arabia Saudite. Megjithatë, burime pranë lojtarit tregojnë se ai preferon të qëndrojë në Evropë, ndërsa Barcelona shpreson për oferta konkrete nga kontinentet evropiane.
Një shpresë e shuar
Ansu Fati dikur konsiderohej si një nga talentet më premtues të Barcelonës. Madje, klubi e nderoi duke i dhënë fanellën me numrin 10, të trashëguar nga Lionel Messi. Por, dëmtimet dhe rënia në formë e kanë penguar të përmbushë pritshmëritë e mëdha.
Pavarësisht kësaj, mbetet për t’u parë nëse ndonjë ekip evropian do të vendosë të investojë tek ai, duke pasur parasysh potencialin që ai ende mund të ofrojë në të ardhmen.
