Ambasadori Rohde pret përzgjedhësin e ri të Kosovës, Franco Foda
Ambasadori i Gjermanisë në Kosovë, Jorn Rohde ka pritur sot në Ambasadë, trajnerin e ri të Kombëtares së Kosovës, Franco Foda dhe ekipin e tij!
“Duke pasur në mendje pasionin e tij për futbollin, Ambasadori dhe trajneri Foda diskutuan për sfidat aktuale dhe perspektivat e kombëtares kosovare. Është e qartë se ambiciet janë të larta dhe të gjithë duam ta shohim ekipin e Kosovës si pjesëmarrës në turnetë e ardhshme ndërkombëtare”, thuhet në njoftimin e Ambasadës gjermane.
Krahas sekretarit të përgjithshëm të FFK-së Markus Weidner, ekipi i ri i trajnerëve theksoi angazhimin e fortë gjerman në Federatën e Futbollit të Kosovës thuhet tutje në njoftimin e ambasadës në Facebook.
