Kessié, ofertë monstruoze nga Arabia Saudite. Ai do ta vlerësonte vetëm në një rast…

Pas refuzimit te Robert Lewandowski, Liga Pro Saudite ende po e shikon me shumë interes Barcelonën, veçanërisht tani te Franck Kessié. Sipas asaj që raportohet ekskluzivisht nga Mundo Deportivo, në fakt, qeveria saudite do të përpiqet të bindë afrikanin me një ofertë marramendëse, duke vazhduar në synimin e saj për të tërhequr lojtarë të shquar nga ligat kryesore evropiane.

Për momentin, ish-lojtari i Milanit, i cili po ashtu i është bashkuar interesit te Interit muajt e fundit, nuk ka marrë një ofertë zyrtare, por do ta marrë në ditët në vijim, pas së cilës do të vlerësojë se çfarë duhet të bëjë, veçanërisht nëse katalanasit e informojnë se ai nuk është më pjesë e planeve teknike nga Xavi.

“Nëse ai nuk mund të qëndrojë te Barça, tërhiqet nga ideja për të luajtur në Premier League ose Bundesliga. Edhe pse fillimisht ai nuk e sheh veten ende në Arabinë Saudite, nëse përfundon duke marrë ofertën, Kessie do ta vlerësojë, pa mbyllur asnjë derë… Pervec se kthimit te tij në Itali, një kapitull që ai e konsideron të përfunduar”, shkruhet në edicionin online të gazetës katalanase.