Italia mposht Holandën për ta zënë vendin e tretë në Ligën e Kombeve
1 min read![](https://futbolli.info/wp-content/uploads/2023/06/ita-1130x635-1-jpg.webp)
talia e ka mposhtur Holandën në stadiumin De Grolsch Veste në Enschede (3-2), për ta zënë vendin e tretë në edicionin e sivjetmë të Ligës së Kombeve.
Nikoqirët pësuan në gjysmëfinale nga Kroacia, kurse Azzurrët u mposhtën nga Spanja dhe u mbeti të luanin për medaljen e bronztë, të cilën e fituan italian.
Federico Dimarco pranoi një asistim nga Giacomo Raspadori për ta zhbllokuar rezultatin në minutën e gjashtë të takimit.
![](https://telegrafi.com/wp-content/uploads/2023/06/diamrco.jpg)
Nuk vonoi dhe Italia e realizoi edhe golin e dytë përmes Davide Frattesit, i cili ishte në vendin e duhur në kohën e duhur për ta shfrytëzuan një top të kthyer, të cilin e dërgoi në rrjetë (20’).
Në gjysmën e dytë, Tulipanët e ngushtuan rezultatin me golin e Steven Bergwijn (68’).
![](https://telegrafi.com/wp-content/uploads/2023/06/bvergwijn.jpg)
Megjithatë, Azzurrët rikthyen avantazhin prej dy gola epërsi me anë të Federico Chiesas (73’), i cili u asistua nga Frattes.
Holandezët nuk u dorëzuan dhe e ngushtuan sërish rezultatin përmes Georginio Wijnaldum, megjithatë kur gjyqtari dha shenjë për fundin e ndeshjes, Italia ishte fituese e duelit për vendin e tretë.
![](https://telegrafi.com/wp-content/uploads/2023/06/fratesi.jpg)