Giresse publikon listën e Dardanëve

Përzgjedhësi i Kosovës në futboll, Alain Giresse, të hënën ka publikuar listën e futbollistëve të ftuar për dy ndeshjet e këtij muaji që “Dardanët” i luajnë në kuadër të kualifikimeve për “Euro 2024”.

Në listën e tij, francezi Giresse ka përfshirë 23 futbollistë, ka njoftuar Federata e Futbollit të Kosovës. Lista e këtij muaji ka pak ndryshime në krahasim me listën e futbollit, pasi janë ftuar Ermal Krasniqi, Jetmir Topalli e Hekuran Kryeziu. Kosova më 16 qershor luan në stadiumin “Fadil Vokrri” në Prishtinë kundër Rumanisë, ndërsa tri ditë më vonë përballet në udhëtim me Bjellorusinë, ndeshje kjo që do të luhet në stadiumin “Pushkash Arena” në Budapest të Hungarisë.

Të dyja këto ndeshje i takojnë Grupit I kualifikues, në të cilin Kosova zë vendin e tretë me dy pikë të mbledhura. Në dy ndeshjet e para të këtij cikli eliminator të luajtura në muajin mars, Kosova ka barazuar.