Barcelona – Wolfsburg, beteja për trofeun e Championsit te femrat

Trofeu i Ligës së Kampionëve për femra do të jepet sot në Eindhoven, ku në finale do të përballen Barcelona dhe Wolfsburgu, ndeshje e cila fillon në orën 16:00. Kampionet e Spanjës synojnë të fitojnë trofeun për herë të dytë, ndërsa Wolfsburgu kërkon të fitojë trofeun e tretë të Ligës së Kampionëve.

Barcelona ka pasur një tjetër sezon të suksesshëm, duke fituar titullin e ligës për herë të katërt radhazi dhe ngritur kupën e tretë të Superkupës spanjolle.

Wolfsburgu në anënm tjetër nuk arriti ta fitojë titullin e kampionit në Bundesligë, pasi Bayern Munich ishte më i mirë, por arriti ta fitojë Kupën e Gjermanisë.

Ndeshja finale mes Barcelonës dhe Wolfsburgut premton emocione dhe rivalitet të madh, me të dyja skuadrat që synojnë të fitojnë trofeun e Ligës së Kampionëve. Këtë finale nga afër e ndjekun edhe krerët e UEFA-s si dhe të shumë federatave tjera, e në mesin e tyre është edhe presidenti i FFK-së, Agim Ademi.

Tashmë janë bërë publike formacionet e të dyja ekipeve, të cilat i sjellim në vazhdim.