Tërbohet Cristiano Ronaldo, i bërtet trajnerit të tij pas pjesës së parë!
Debakli i ri i Cristiano Ronaldos në Arabinë Saudite. Në fillim të vitit, kur mbërriti te Al-Nassr, ai u bë futbollisti më i shtrenjtë në histori duke nënshkruar për dy vjet e gjysmë për gjysmë miliardë euro. Që atëherë, ai ka shënuar 11 dhe ka asistuar në 2 gola në 14 paraqitje.
Që kur Ronaldo u bë ylli dhe kapiteni kryesor i ekipit, Al-Nassr humbi të dy derbit e ligës (Al-Ittihad 1:0 dhe Al-Hilal 2:0) dhe kështu zvogëloi shanset për të fituar titullin.
Por në të gjitha humbjet e rënda – Ronaldo nuk tregoi gjë tjetër veç dështimeve, sjelljeve të egra dhe nervozizmit.
Vazhdoi me të njëjtin ton edhe gjatë debaklit në kupë. Në pjesën e parë, kur kundërshtari po fitonte 1:0, ai me inat ka bërë gjestikulim dhe ka bërtitur drejt pankinës së ekipit të tij.
Madrid Ace shkruan: “Një Ronaldo i dëshpëruar e shprehu zemërimin e tij duke i bërtitur trajnerit të tij Dink Jeliciq teksa po ecte drejt tunelit, duke kërkuar shpjegim prej tij”.
