Me triumfin ndaj Romës, Atalanta riktheu shpresat për Champions League
Atalanta fitoi ndeshjen kundër Romës në Bergamo me shifrat 3:1 dhe riktheu shpresat se mund të fitojë ende një vend në Champions League sezonin e ardhshëm. Tani Atalanta ka 52 pikë, katër më pak se Milani i vendit të katërt.
Serinë e golave e hapi Mario Pashaliq në minutën e 39-të, ndërsa Rafael Toloi në minutën e 74-të shënoi për 2:0. Lorenzo Pellegrini i dha shpresë Romës për një moment në minutën e 83-të, por Teun Kopminers shënoi golin e tretë për Atalantën vetëm një minutë më vonë pas gabimit të madh të portierit të Romës dhe vulosi triumfin.
