Arrihet marrëveshja | Fernando Santos merr drejtimin e Kombëtares polake

Marrëveshja është arritur: Fernando Santos do të marrë detyrën e trajnerit të Polonisë. Prezantimi i trajnerit portugez është planifikuar për të martën, me një konferencë për shtyp në orën 13:00. Fernando Santos mbërriti në Poloni këtë të hënë në mëngjes. Dje presidenti i Federatës Polake supozoi se negociatat për marrjen e trajnerit të ri kanë përfunduar.

“Zgjedhja nuk ishte e lehtë, por besoj se me trajnerin e ri do të përjetojmë shumë momente të mira”, tha Cezary Kulesza.

Fernando Santos u largua nga komanda e Portugalisë pas Kupës së Botës 2022 në Katar. Me Kombëtaren portugeze ai fitoi një Kampionat evropian dhe një Ligë të Kombeve.