Aston Villa transferon talentin e PSG-së për 55 milionë euro
Aston Villa ka kompletuar transferimin e talentit të Paris Saint-Germainit, Ibrahim Mbaye, për të cilin klubi anglez ka paguar rreth 55 milionë euro.
18-vjeçari, i cili luan në krah, ka nënshkruar kontratë pesëvjeçare me klubin nga Birminghami. Te Aston Villa, Mbaye do të ketë konkurrencë të fortë për pozitën e tij.
Mbaye është reprezentues i Senegalit dhe ka marrë pjesë në Botërorin 2026. Ai konsiderohej një prej talenteve më të mëdha të akademisë së PSG-së dhe debutoi për ekipin e parë në moshën 16 vjeç e gjysmë, duke u bërë titullari më i ri në historinë e klubit.
Megjithatë, zhvillimi i tij ishte ngadalësuar gjatë sezonit të kaluar. Trajneri Luis Enrique nuk ishte i kënaqur me sjelljen dhe angazhimin e tij, veçanërisht pas Kupës së Afrikës.
PSG-ja, ndërkohë, ka arkëtuar një shumë të konsiderueshme nga dy shitjet e fundit. Pas transferimit të Bradley Barcolës te Liverpooli dhe tani të Mbaye te Aston Villa, kampioni francez ka përfituar pothuajse 200 milionë euro.
Aston Villa ka bërë ndryshime të mëdha në skuadër gjatë kësaj vere. Klubi ka larguar 13 futbollistë dhe ka arkëtuar rreth 360 milionë euro, ndërsa ka afruar 11 lojtarë të rinj për rreth 271 milionë euro.
Në mesin e afrimeve janë Manzambi, Jackson, João Gomes, Zion Suzuki, Ruggeri, Keba Cissé, Goretzka, Garnacho, Wan-Bissaka, Hemings dhe tani edhe Ibrahim Mbaye.
