Prishtina e Re shkëput një pikë në Klinë
Në Klinë, Dukagjini dhe Prishtina e Re kanë ndarë pikët në ndeshjen e javës së 26-të të Superligës, përfunduar 1:1.
Ibrahim Kargbo kaloi Prishtinën e Re në epërsi në minutën e 54-të, por Altin Mërlaku barazoi për vendasit në minutën e 80-të. Gjatë pjesës së parë, Prishtina e Re humbi një penallti me Tony Gomes, i cili goditi traversën në minutën e 14-të.
Pas këtij barazimi, Prishtina e Re mbetet në vendin e fundit me 24 pikë, ndërsa Dukagjini renditet i gjashti me 34 pikë.
