Leart Paqarada do të transferohet tek klubi i njohur i Bundesligës

Futbollisti kosovar, Leart Paqarada mund të transferohet tek skuadra e madhe gjermane, FC Koln.

Siç raportohet nga Kicker, mbrojtësi i majtë i St. Pauli, Leart Paqarada do të nënshkruajë një kontratë trevjeçare me FC Koln dhe do t’i bashkohet skuadrës së Bundesligës në verë, kur i skadon marrëveshja aktuale me St Pauli.

Paqarada konsiderohet si një nga mbrojtësit e majtë më të mirë të Bundesligës 2 dhe tashmë ka marrë lëvdata nga Christian Keller i FC Köln: “Ai ka luajtur shumë vazhdimisht prej vitesh, është shumë inteligjent, ka një nivel të lartë aftësish teknike dhe ka shumë besim në ndërtimin e lojës edhe kur është nën presion nga kundërshtari.”