Alonso i kënaqur: Real Madrid po tregon mentalitetin e duhur

Real Madrid po kalon një periudhë shumë pozitive në La Liga nën drejtimin e trajnerit Xabi Alonso. “Los Blancos” kanë regjistruar një tjetër fitore bindëse, këtë herë me rezultat 4–0 ndaj Valencias, duke konfirmuar formën e shkëlqyer dhe qetësinë që ka sjellë tekniku spanjoll në “Santiago Bernabéu”.

“Ishte një ndeshje e plotë dhe serioze, me energji të shkëlqyer nga djemtë. Po kalojmë një moment të mirë, po fitojmë ndeshje dhe po shënojmë gola. Ky është mentaliteti i duhur për të ecur përpara dhe për të arritur objektivat”, tha ai.

Alonso u shpreh se është i kënaqur me reagimin dhe përkushtimin e skuadrës në çdo ndeshje, ndërsa shtoi se qëndrueshmëria dhe karakteri i ekipit janë çelësi për sukses.

Në lidhje me çështjen e penalltive, trajneri spanjoll konfirmoi se rendi i gjuajtësve është i përcaktuar paraprakisht, me Kylian Mbappé që mbetet i pari në listë.

“Ne caktojmë gjuajtësit e penalltive dhe Kylian është i pari që gjuan. Pastaj ata marrin vendimet në fushë. Më pëlqen që marrin përgjegjësinë sepse penalltitë janë një mundësi e mirë për të treguar karakter”, tha ai.

Fitorja ndaj Valencias e mban Real Madridin në krye të La Ligës, me pesë pikë më shumë se Barcelona, ndërsa nën drejtimin e Xabi Alonsos, skuadra duket më e vendosur se kurrë për të rikthyer titullin kampion në “Bernabéu”.