Portugalia ka një trajner të ri

Federata e Futbollit të Portugalisë ka konfirmuar se kombëtarja në të ardhmen do të drejtohet nga spanjolli Roberto Martinez. Ky i fundit do të pasojë në këtë pozitë Fernando Santosin.

Santos u shkarkua pas eliminimit të Marokut në çerekfinalet e Kupës së Botës në Katar, derisa Roberto Martinez u largua nga Belgjika pasi u eliminua nga faza e grupeve, në grup me Marokun, Kroacinë dhe Kanadanë.

Portugalia vendosi për Martinezin pasi Jose Mourinho hodhi poshtë një ofertë për të qenë trajner i kombëtares së vendit të tij. Spanjolli do të drejtojë Portugalinë deri në vitin 2026, kur kampionati botëror do të luhet në SHBA, Kanada dhe Meksikë.

Martínez është një ish-menaxher i Stoke, Wigan dhe Everton. Belgjikën e ka udhëhequr që nga viti 2016.