Trajneri i Chelseat, Potter i përgjigjet ‘negativitetit’ të tifozëve

Trajneri i Chelseat, Graham Potter, është zotuar të punojë më shumë pasi tifozët u dëgjuan duke brohoritur për ish-trajnerin Thomas Tuchel gjatë humbjes 4-0 ndaj Manchester Cityt në Kupën FA. Puna e anglezit tani është nën presion pas një ecurie të dobët të formës.

Skuadra londineze u mposht me rezultat të thellë nga City në Etihad me një dopietë nga Riyad Mahrez si dhe golat e Phil Foden dhe Julian Alvarez duke kontribuar në një fitore të rehatshme.

Blutë tani kanë fituar vetëm një nga tetë ndeshjet e tyre të fundit në të gjitha garat me presion që tani po rritet te Potter. Tifozët e Chelseat duket se kanë filluar të kthehen kundër 47-vjeçarit me ata që ishin të pranishëm në Mançester duke brohoritur emrin e paraardhësit Thomas Tuchel si dhe ish-pronarit Roman Abramovich.

Potter iu përgjigj thirrjeve pas lojës duke u zotuar se do të punonte edhe më shumë në prapaskenë.

“Ne nuk mund të bëjmë asgjë, por të bëjmë më mirë punën tonë dhe të punojmë më shumë”, u tha ai gazetarëve në konferencën e tij për shtyp pas ndeshjes. “Ne e kuptojmë zhgënjimin e mbështetësve, por detyra jonë është të bëjmë punën tonë. Gjithmonë ka mendime të tjera, kritika dhe negativitet, por kjo është pjesë e sfidës”.

Potter është mbështetur publikisht nga Boehly dhe hierarkia e Chelseat, të cilët deklarojnë se mbeten të sigurt në projektin afatgjatë në klub. Megjithatë, nëse ecuria aktuale e formës vazhdon, ata mund të mendojnë se nuk kanë zgjidhje tjetër veçse të bëjnë një ndryshim. /