Malisheva mposht liderin

Skuadra e Dritës është mposhtur nga Malisheva të dielën pasdite me rezultatin, 1:0.

Kjo ndeshje i takoi javës së 28-të të elitës së futbollit kosovar.

Golin e fitores për Malishevën e realizoi Besnik Ferati në minutën e 45-të.

Për skuadrën gjilanase ishte disfata e dytë rresht në të gjitha garat.

Të mërkurën Drita u mposht nga Prishtina me rezultatin 1:0 në gjysmëfinalen e parë të Kupës së Kosovës.

Ndërkohë për Malishevën ishte fitorja e dytë rresht në ligë.

Drita pavarësisht humbjes e mban pozitën e parë më 60 pikë.

Dhjetë pikë më pak i ka Ballkani në vendin e dytë.

Malisheva është e treta me 47 pikë.