Ankohet Arsenali, goli i Isakit është dashur të anulohej!
Skuadra e Arsenalit pësoi humbje në ndeshjen e parë gjysmëfinale në EFL Cup ndaj Newcastle Unitedit me shifrat 0:2.
Alexander Isak, ishte sulmuesi suedez që shënoi golin e parë në minutën e 37-të.
Pikërisht për këtë gol po diskutohet shumë në rrjetet sociale dhe tifozët tashmë po thonë se goli i suedezit është dashur të anulohej.
Isak para se të shënonte gol, bëri një shtyrje të lojtarit kundërshtar, e që cilësohet si faull.
Golin e dytë në mbrëmjen e së martës e shënoi sulmuesi anësor anglez, Gordon në minutën e 51-të.
Ndeshja e kthimit në “St. James Park” zhvillohet gjatë muajit të ardhshëm (Shkurt).
