Drita merr një pikë në Malishevë
Pas fitoreve ndaj Llapit dhe Lirisë, Malisheva në xhiron e 27-të të Superligës së Kosovës në futboll ka barazuar me Dritën.
Ndeshja e zhvilluar në stadiumin “Liman Gegaj” në Malishevë u mbyll me rezultatin 1:1.
Ensar Huruglica shënoi në minutën e 10-të për Dritën, kurse Altin Aliu në minutën e 23-të i barazoi shifrat dhe vendosi rezultatin final të ndeshjes.
Për Dritën ishte barazimi i dytë rresht në Superligë pas dy fitoreve të njëpasnjëshme.
Drita në vendin e tretë ka 51 pikë, aq sa ka edhe Llapi me një ndeshje më pak të luajtur.
Ndërkohë, Malisheva në pozitën e katërt ka 48 pikë.
