Gjyqtari turk nuk do ta falë presidentin e Ankaragucu që e goditi me grusht në fytyrë
1 min read![](https://futbolli.info/wp-content/uploads/2023/12/dhune-Halil-Umut-Meler-1024x576.webp)
Halil Umut Meler, gjyqtari 37-vjeçar i sulmuar egërsisht në fushën e lojës nga presidenti i Ankaragucu 10 ditë më parë, nuk mund ta harrojë atë që ndodhi.
Së fundmi Meler ka folur për këtë ndodhi, ndërsa deklaroi se nuk do ta falë kurrë Faruk Koca-n për atë që i bëri.
“Nuk e kam falur dhe nuk do ta fal kurrë. Ai më goditi me grusht, u rrëzova dhe rashë në tokë, pastaj më goditën me shkelma, nuk do t’i harroj kurrë”, deklaroi arbitri.
Pas sulmit, Meler kaloi dy ditë në spitalin e Ankarasë ku u transportua për një dëmtim në kokë. Faruk Koca, presidenti i Ankaragucu e sulmoi me një grusht të fuqishëm në fytyrë, duke e rrëzuar në tokë.