Muslija vendimtar, shënon golin e fitores në minutën e 91-të
Reprezentuesi i Kosovës, Florent Muslija, vazhdon të jetë vendimtar te skuadra gjermane, Paderborn. Të dielën, Paderborni fitoi 1:0 ndaj Hannoverit, ish-skuadrës së Muslijës. Ndeshja i ka takuar xhiros së 15-të të Bundesligës 2. Golin e vlefshëm tri pikë, Muslija e shënoi në minutën e 91-të.
Ai ka shtatë gola e dy asistime në 14 paraqitje këtë edicion. Me fitore, Paderborni është i dhjeti me 21 pikë. Hannoveri ka 23 pikë në vendin e shtatë. Muslija u vlerësua më i miri i ndeshjes.
