Drita vendos për trajnerin e ri, prezantimi në 24 orët e ardhshme
1 min read![](https://futbolli.info/wp-content/uploads/2023/11/AQ4I8567-1130x635-1-1024x575.webp)
Drita nuk ka humbur kohë dhe ka gjetur trajnerin e ri pas largimit të Akis Vavalis.
Skuadra gjilanase ndau rrugët me trajnerin grek pas shtatë muajve qëndrim të tij në qytetin e Gjilanit
Megjithatë humbja nga Prishtina 1-0 ishte vendimtare që palët t’i ndajnë rrugët.
Bardhekaltërtit kanë vendosur shpejt për trajnerin e ri, edhe pse shumë emra ishin ofruar për ta marrë postin e klubit gjilanas.
Telegrafi mëson se drejtuesit e klubit gjilanas kanë arritur marrëveshje me trajnerin shkupjan Zekirija Ramadani.
Marrëveshja mes palëve tanimë është arritur dhe prezantimi i tij pritet të bëhet në 24 orët e ardhshme.
![](https://telegrafi.com/wp-content/uploads/2023/11/Ramadani-1.jpg)
Ramadani është një nga trajnerët më të suksesshëm në histori të futbollit kosovar pasi ai ka fituar trofe me Trepçën ’89, Feronikelin e Prishtinën.
Së fundmi Ramadani ka drejtuar skuadrën tjetër gjilanase Gjilani dhe kishte një aventurë të shkurtër edhe në kampionatin arab te skuadra Ohod.