Inzaghi e pranon pikën ndaj Juventusit

Simone Inzaghi e ka pranuar me kënaqësi barazimin 1-1 ndaj Juventusit, duke i kujtuar të gjithëve se ata humbën në Allianz Stadium sezonin e kaluar pas një ndeshje të ngjashme.

Nerazzurrët ruajnë epërsinë e tyre me dy pikë në krye të tabelës, pasi Lautaro Martinez iu përgjigj pothuajse menjëherë golit të Dusan Vlahovic.

“Duke marrë parasysh se si ndodhi, ne e pranojmë rezultatin. Është shumë e vështirë të shënosh kundër Juventusit, veçanërisht kur ata kanë kaluar në avantazh. Është e qartë se ne duhet të kishim bërë më mirë dhe ta mbyllnim Vlahovicin në atë gol”, deklaroi Inzaghi për DAZN.

“Ekipi mbeti i përqendruar, ne shënuam një barazim të mrekullueshëm. Ne nuk krijuam shumë në pjesën e dytë, por kundër një skuadre të fortë të Juventusit që me meritë është e dyta në tabelë, ne do të marrim pikën”.

“Ne kishim dashur të vinim këtu dhe të fitonim, por duke marrë parasysh se si po shkonin gjërat, një pikë është pozitive”, shtoi më tej trajneri i ziklatërve.

Tashmë është një progres nga sezoni i kaluar, ku Interi kishte humbur në shtëpi dhe jashtë në Serie A, duke mposhtur rivalët e tyre në gjysmëfinalen e Kupës së Italisë. /