Pioli pas Milan-PSG: Leao mund të jetë kampion

Trajneri i kuqezinjve, Stefano Pioli u shpreh i entuziazmuar pas fitores 2-1 ndaj PSG-së: “Luanim me shpirt dhe energji të madhe, duke e ditur se të gjithë së bashku do të duhej të vuanim për të arritur një rezultat kaq të rëndësishëm. Leao luajti një ndeshje të jashtëzakonshme, ai mund të jetë kampion por kjo varet vetëm nga ai. Dhe tani le t’i rregullojmë gjërat në kampionat”, ka theksuar Pioli.

Leao-Giroud, rigjejnë golin

Milani gjen golat e sulmuesve dhe i rikthehet suksesit, duke fituar me përmbysje ndaj PSG-së. Tri pikët që vënë në pikëpyetje gjithçka në Grupin F dhe anulojnë humbjen në ndeshjen e fundit të Serisë A. “Ishte një nga ndeshjet më të sheshta kundër Udineses, fatkeqësisht jo e vetmja – komentoi Stefano Pioli për Sky pas ndeshjes – Ne . bëmë gjithçka që duhej të bënim kundër PSG-së, duke luajtur me shumë shpirt dhe energji, duke ditur që të gjithë së bashku do të duhej të vuanim për të marrë një rezultat kaq të rëndësishëm kundër një ekipi kaq të fortë. Shumë komplimente për ta. Ishte një ndeshje shumë e rëndësishme për grupin, asgjë nuk është vendosur por tani kemi një mundësi tjetër dhe do ta luajmë në shtëpi kundër Dortmundit. Besoj se shumë herë skuadra mund të bëjë më shumë se ajo që bën trajneri. U përpoqa t’u kujtoja se çfarë skuadre jemi , çfarë rruge kemi marrë, çfarë cilësie kemi. Në futboll ka momente dhe momente dhe kjo duhej përjetuar si ekip, duke i dhënë tifozëve një gëzim të tillë pasi i zhgënjyem në kampionat”, ka shtuar Pioli.

Ekipi ka identitetin e vet

“Sigurisht që do të doja gjithmonë një Milan si ky, për fat të keq ne bëmë një gabim të qartë në ndeshjen e së shtunës, por skuadra ka mënyrën e vet të të qenit në fushë, të futjes në fushë – shtoi Pioli – Këto janë ndeshjet që thonë shumë gjëra. Sigurisht që ne vuajtëm sepse PSG e mbajti topin më shumë se ne, ishte gjithashtu zgjedhja jonë dhe kishim disa mundësi të pashfrytëzuara edhe sonte. Ndeshja tjetër bëhet shumë e rëndësishme, mund të jetë vendimtare”. Ka theksuar Pioli.