Gjithçka e kryer: Albion Pllana, futbollisti më i ri i Dukagjinit
Skuadra e Dukagjinit ka arritur marrëveshje me mbrojtësin e njohur kosovar, Albion Pllana.
Burime të ‘GazetaBlic Sport’ mësojnë se ekipi i Dallkut ka arritur marrëveshje me mbrojtësin kosovar dhe ai do t’i bashkohet skuadrës në ditët vijuese.
Mbrojtësi i djathtë ka nënshkruar kontratë 1 vjeçare me Dukagjinin.
Pllana në edicionin e fundit ishte tek skuadra e Trepçës 89′, teksa në të kaluarën u paraqit edhe në ndeshjet e kombëtares U21 të Kosovës.
Dukagjini po punon që ta regjistrojë atë për takimin ndaj Rijekës në kualifikueset e Conference League, që zhvillohet të enjten.
