Friday, January 21, 2022
HomeFUTBOLLI VENDOROrganizimi i mirë dhe pritja madhështore nga FFK ka ndikuar që në...

Organizimi i mirë dhe pritja madhështore nga FFK ka ndikuar që në Spanjë të kërkohet njohja e Kosovës

Përveç se është sporti më i popullarizuar në botë, futbolli nënkupton më shumë se sa vetëm një lojë me top.

Kosova përmes këtij sporti ka arritur të paraqesë simbolet e shtetit të pavarur në vendet të cilat ende nuk e kanë njohur pavarësinë e saj.

Por impakti i futbollit shkon përtej çdo parashikimi. Së fundmi në parlamentin spanjoll u bë debat i nxehtë për njohjen e pavarësisë së Kosovës, ku deputeti i partisë kombëtare baske Aitor Esteban i ka kërkuar kryeministrit Pedro Sanchez njohjen e Kosovës.

Ndër të tjera ai tha “Njiheni Kosovën një herë e përgjithmonë, pasi që jeni përballur me ta edhe në futboll”.

Paraqitja e Kosovës në Spanjë dhe organizimi e pritja në Kosovë nga Federata e Futbollit e Kosovës ka ndikuar në imazhin pozitiv të shtetit tonë dhe ndikimin e këtij sporti edhe në politikë.

Kujtojmë se presidenti i Federatës Spanjolle, Luis Rubiales ka bërë pritje të ngrohtë për presidentin Ademi dhe delegacionin e FFK-së në Spanjë, teksa raportet e ngrohta dhe miqësore janë konfirmuart edhe gjatë vizitës së Spanjës  në Kosovë, ku janë shkëmbyer dhurata me presidentin Ademi, me ç’rast i pari i FFK-së i kishte dhuruar hartën e Kosovës me simbolet e saj, teksa presidenti Rubiales përveç kreut të FFK-së, me një dhuratë e kishte nderuar edhe presidenten e Republikës, Vjosa Osmani.

TË FUNDIT NGA FUTBOLLI VENDOR /

LEAVE A REPLY

Please enter your comment!
Please enter your name here

Të fundit /

Recent Comments