No menu items!
Ballina FUTBOLLI NDËRKOMBËTAR Ceferin: Perez do president kukull, Barçës nuk i vë faj! Ju tregoj...

Ceferin: Perez do president kukull, Barçës nuk i vë faj! Ju tregoj si më kërkuan falje

Aleksander Ceferin, presidenti i UEFA-s, është rikthyer të flasë për European Super League dhe numri një i futbollit europian zbulon se disa prej klubeve i kanë kërkuar falje, ndërkohë që flet për shumë tema në intervistën e dhënë për “24ur” në Slloveni.

SUPER LEAGUE – “Nuk ka pasur kurrë një Superligë, por vetëm një përpjekje për të bërë një kampionat të njerëzve të pasur që injorojnë çdo sistem. Pa marrë parasysh piramidën e futbollit, traditës, kulturës dhe historisë. Unë u thashë delegatëve të mi se kjo ligë nuk do të ekzistonte më brenda 24 orësh”.

“Tifozët kanë organizuar një revolucion të vërtetë. Nuk mendoj se Superliga ishte në interes të tifozëve dhe futbollit. U krijua një lloj karteli që nuk lejonte që klubet të garonin. Unë mendoj se shkelte parimet e konkurrencës dhe nëse është e nevojshme ne do të kërkojmë një zgjidhje ligjore”.

TELEFONATAT – “Të shtunën mora thirrje nga pesë nga dymbëdhjetë klubet e Superligës dhe ata më kërkuan falje, duke thënë se ishin keq dhe duhej të nënshkruanin për të mos qëndruar jashtë. Unë i telefonova Agnellit që ma mohoi.

Unë i thashë që të bënte një njoftim për shtyp për të mohuar gjithçka, ai pranoi dhe më tha ta dërgoja një draft. Ai nuk e pëlqente atë dhe më tha se do të kthehej tek unë pasi ta ndryshoja, por ai nuk më thirri dhe e fiki telefonin. I fundit nga klubet që u regjistruan më kontaktoi, duke më thënë se duhej ta bënte atë dhe unë i thashë se do të fillonte një luftë, se do të ishim armiq”.

BOBAN – “Boban më tha se ai kishte nënshkruar për Milanin sepse ai dëshironte të fitonte Ligën e Kampionëve. Ai nuk do të kishte nënshkruar nëse do të ishte krijuar një kampionat që do të kënaqte vetëm një numër të caktuar të të pasurve. E mahnitshme se sa e fortë mund të jetë lakmia që të mos interesoheni për sportin që duam, kulturën, traditën, tifozët dhe miqësitë personale”.

FLORENTINO PEREZ – “Ai do të donte një president që i bindet, i cili e dëgjon dhe bën atë që dëshiron. Unë mendoj për të mirën e futbollit evropian dhe botëror. Tani të gjithë duan dialog dhe unë nuk them se nuk do të flasim. Por mendoj se do të duhet të vlerësojmë situatën dhe të vlerësojmë.

Nëse një klub dëshiron të luajë me konkurrencën tonë, ai do të duhet të vijë tek ne dhe ne do të duhet t’i rregullojmë gjërat tani. Por nuk dua të hyj në detaje, sepse ne ende po flasim për këtë me ekipin ligjor”.

BARCELONA – “Në një farë mase unë jam zhgënjyer nga të gjithë, por duhet të them se ndoshta Barcelona më ka zhgënjyer më pak. Laporta u zgjodh së fundmi dhe unë fola me të dy ose tre herë. Ai ishte nën një presion të madh për shkak të situatës financiare në të cilën ndodhet ekipi i futbollit. Ai e trashëgoi atë, nuk është faji i tij”.

RAPORTI NË TË ARDHMEN – “Dyert e UEFA-s janë të hapura, por në të njëjtën kohë të gjithë do të duhet të vuajnë pasojat për veprimet e tyre. Sigurisht, nuk do të kem më kurrë një marrëdhënie personale me njerëz të caktuar, të cilët mendoja se ishin afër meje dhe më gënjyen. Kam mësuar që paratë nuk janë gjithçka. Paratë nuk mund të blejnë gjithçka”, është shprehur Ceferin.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Tifozët zgjedhin pasardhësin e Zinedine Zidane

Zinedine Zidane do të largohet nga Real Madrid në fundin e sezonit. Trajneri francez, sipas Marca-s, ia ka komunikuar skuadrës vendimin e tij për t’u...

Befasi e trefishtë për Milan-in, ylli injoron PSG dhe zgjedh rivalët

Sot, Milan mund të blindojë matematikisht objektivin Champions League kundër Cagliari-t. Një objektiv i rëndësishëm, me ambicien për kthyer në nivele të larta sezonin e...

Mbappe mendon largimin, PSG ka një ide të çmendur

Paris Saint-Germain është në kërkim të një goditje të bujshme në rast se Kylian Mbappe do të vendosë të largohet. Sulmuesi francez, kontrata e të...

Superliga vjen me 6 ndeshje, sot Prishtina mund të kurorëzohet me titullin e kampionit

Kampionati elitar po vjen drejt fundit, ku sot do të luhet java e 35-të në Superligën e Kosovës me shumë sfida interesante. Padyshim që vëmendja...

Recent Comments