No menu items!
Ballina FUTBOLLI VENDOR Munishi flet për aventurën e tij te Gjilani

Munishi flet për aventurën e tij te Gjilani

Trajneri i mirënjohur dhe karizmatik në futbollin e Kosovës, Ismet Munishi e ka nisur një aventurë të re te skuadra e Gjilanit.

Në një periudhë kur Gjilani po kalonte nëpër një formë të dobët, Munishi pranoi ofertën e klubit gjilanas për t’i marrë “frenat” në dorë.

Munishi në pesë përballjet e para me Gjilanin, e ka ndryshuar komplet atmosferën në kamp, duke i regjistruar tri fitore, një barazim dhe një humbje.

Në një bisedë me FrontOnline, ish-trajneri i Vushtrrisë, Feronikelit dhe Ballkanit, e ka përshkruar mjaft të mirë aventurën te Gjilani.

“Aventurën time te Gjilani e përshkruaj shumë të suksesshme në këtë fillim dhe njëherit shumë të mirë”, ka thënë fillimisht Ismet Munishi, duke treguar më pas për momentin kur pranoi ofertën e kryetarit Florim Zuka.

“Është e vërtetë se skuadra ishte në krizë të thellë rezultatesh kur shkova aty, por nuk ishte e vështirë ta pranoja ofertën duke e ditur se Gjilani ka një grup fantastik të futbollistëve dhe e kisha besimin e plotë se mund të bënim më mirë. Absolutisht na presin gjëra të mëdha”.

Se çka pritet të ndryshojë në afatin kalimtar veror te Gjilani, e thotë vetë Munishi.

“Skuadra është fantastike, por duhet ta rrisim konkurrencën. Me rritjen e konkurrencës, rriten përgjegjësitë. Kjo na duhe për vitin e ardhshëm”, theksoi ish-kampioni i Kosovës me Vushtrrinë.

Ndonëse pa objektiva këtë edicion, Munishi thotë se në çdo ndeshje, skuadra e tij do të hyjë për fitore.

“Në çdo ndeshje do të futemi për fitore dhe normalisht se mund të jemi më të relaksuar në ndonjë ndeshje, ku do t’i provojmë futbollistët e rinjë. Mirëpo, në çdo ndeshje hyjmë për tri pikë”, nënvizoi ai

Për fund, se kush do të shpallet kampion i Kosovës sivjet, Munishi thotë se ta fitojë “ajo skuadër që e meriton”, duke shtuar se shpreson që të mos ketë dukuri negative.

“Unë shpresoj se këtë edicion, titullin e kampionit ta fitojë ajo skuadër që e meriton. Njohësit e futbollit e dinë se çfarë dua të them. Dhe jo vetëm këtë edicion, por në të gjitha edicionet e Superligës, shpresoj ta fitojë ai që e meriton. E kemi obligim që ta sjellim futbollin e Kosovës përpara me gjëra të bukura dhe spektakël që t’i argëtojmë tifozët. Shpresojmë të ketë sa më pak dukuri negative”, përfundoi Ismet Munishi.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Pa gola në “Camp Nou”, Atletico frenon Barcelonën dhe Messin

Mbyllet pa gola supersfida Barcelona-Atletico Madrid. Dy skuadrat po garojnë për titullin kampion dhe dhuruan një betejë sportive në “Camp Nou”. Ekipi i Diego...

Shkodran Mustafi gjen golin e parë në Bundesliga me fanellën e Schalkes

Futbollisti shqiptar me pasaportë gjermane,  Shkodran Mustafi e ka realizuar golin e tij të parë në Bundesligë në fanellën e Schalken.

Shevchenko kujton ditën kur një Maldini 36-vjeçar e la pa fjalë

Andriy Shevchenko ka kujtuar disa momente nga e kaluara e tij te Milan në një lidhje me Sky Sport. “Te Milan kanë kaluar atletë të...

E krahasojnë me Fenomenin, ylli i Serisë A: Sa çereku i tij të isha…

Një vend i dytë për t’u siguruar që do të ishte një rezultat historik për Atalanta-n e tij, më pas një shikim drejt së...

Recent Comments