No menu items!
Ballina LIGAT E TJERA BUNDESLIGA “Nuk jam i fiksuar me Bayernin”; Muller lë hapur mundësinë e largimit...

“Nuk jam i fiksuar me Bayernin”; Muller lë hapur mundësinë e largimit si Thiago

Thomas Muller ka pranuar se është i hapur të ndjekë rrugën e Thiago Alcantara, jashtë “Allianz Arena”. Ai këmbëngul se nuk është “i fiksuar” me Bayern Munich. Sulmuesi e filloi karrierën profesionale te bavarezët në vitin 2008 dhe që atëherë e ka ndihmuar klubin të arrijë suksese të mëdha në Gjermani, si dhe në Ligën e Kampionëve.

31-vjeçari mbetet një lojtar kryesor i skuadrës, por refuzon ta përjashtojë një transferim diku tjetër në të ardhmen e afërt. Për këtë përmend transferimin e Thiago Alcantara në vitin 2020 (te Liverpool) si provë se askush nuk është i lidhur me klubin pa kushte.

“Unë nuk jam i fiksuar me këtë klub, – tha sulmuesi i Bayernit për “The Times”. – Kam një marrëdhënie të veçantë, e doja Bayernin para se të filloja të luaja për të, por kur ekziston një situate, në të cilën duhet të vendosësh që ndoshta të luash për një klub tjetër, nuk do të ishte turp ta bëja, pa asnjë problem. Ndoshta më ndodh si Thiago Alcantara, që tani luan te Liverpool”.

Një numër i klubeve më të mira europiane janë kredituar me interes për Muller në të kaluarën, duke përfshirë Manchester United dhe Real Madridin. Liverpool ka qenë gjithashtu i lidhur me lojtarin gjerman dhe komentet e tij të fundit mund të ringjallin thashethemet për një kalim të mundshëm në “Anfield”, gjatë verës.

31-vjeçari ka luajtur 571 ndeshje në të gjitha garat për Bayernin, duke shënuar 212 gola dhe dhënë 210 asiste. Lojtari me përvojë ka fituar 27 trofe të mëdhenj, përfshirë 9 tituj të Bundesligës dhe 2 kurora të Ligës së Kampionëve.

Kontrata aktuale e Muller me bavarezët nuk do të skadojë deri më 2023. Trajneri Hansi Flick ende i beson atij që të drejtojë sulmin përkrah Robert Lewandowski, ndërsa kampionët gjermanë vazhdojnë të luftojnë për trofe në fronte të shumëfishta.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Reagon Dajaku: Mos përhapni dezinformata, nuk e kam refuzuar Kosovën

Futbollisti shqiptar me pasaportë gjermane, Leon Dajaku ka reaguar përmes një postimi në Instagram duke deklaruar se ende nuk ka vendosur se...

Kombëtarja shqiptare, 3 milionë euro për Botërorin! Zbulohet premioja nga FSHF për kualifikimin historik

Shqipëria ka nisur edicionin kualifikues drejt Botërorit, “Katar 2022”. Në tri takimet e para, kuqezinjtë kanë bërë “detyrat e shtëpisë” sa u takon...

Mbyllet pa fitues ndeshja Everton – Tottenham

Me ndeshjen Everton – Tottenham që është zhvilluar sonte është hapur java e 32-të në Premierligën angleze. Sfida ashtu...

Kurti: Xhudistet janë bërë sinonim i fitoreve dhe gëzimeve tona

Kryeministri Albin Kurti ka përgëzuar xhudistet tona, Distria Krasniqin dhe Nora Gjakovën për suksesin e arritur në Kampionatin Evropian në Lisbonë. Distria fitoi medaljen...

Recent Comments