No menu items!
Ballina FUTBOLLI NDËRKOMBËTAR “Më prekte çdo ditë”; David Villa në telashe. Akuzohet për ngacmin seksual

“Më prekte çdo ditë”; David Villa në telashe. Akuzohet për ngacmin seksual

Koha e David Villa në MLS nuk ishte asgjë nga ato që ai do të kishte parashikuar. Qëndrimi i tij i shkurtër te New York City, në eksperiencën e dytë aty, u dëmtua nga pretendimet për ngacmim seksual nga praktikantja e klubit, Skyler Badillo. Ndërsa asgjë nuk ka ndodhur ende, nuk ka asnjë hetim të filluar nga autoritetet, që kur pretendimet dolën në pah, Skyler Badillo e ka ngritur edhe një herë çështjen. Ajo tha se Villa e prekte atë thuajse përditë në trup, u ankua për këtë, por ankesat e saj të përsëritura u rrëzuan nga klubi.

Ex-NYCFC intern details alleged harassment by David Villa, training staff

Skyler Badillo tha: “Ngacmimi që kam kaluar te NYCFC ishte aq i keq, sa tani ideja e sporteve profesionale më tmerron. Qëndrimi në fushën e atletikës më tmerron. Po ndryshoj gjithë karrierën time, sepse ato që më bënë m’i shkatërruan ëndrrat. Mendova se po fitoja mundësinë e një jete, kur pata atë praktikë. Ajo që mora ishte David Villa, i cili më prekte çdo ditë, ndërsa shefat e mi mendonin se ishte material i shkëlqyeshëm komik. Ai filloi të më pyeste se çfarë lloj alkooli pi, unë isha 20 vjeçe në atë kohë.

Iu përgjigja se nuk pi me të vërtetë. Ai vijonte të pyeste vazhdimisht se çfarë lloj alkooli duhet të blej, në mënyrë që të shkoja në apartamentin e tij për festë. Shikova ndihmëstrajnerin e NYC FC, Melvyn Pamplona, dhe i thashë se nuk mendoj se kjo është një bisedë e mirë për t’u zhvilluar, duke shpresuar se ai do të më ndihmonte. Përgjigja e tij ishte: Mirë, mirë, ishte vetëm një pyetje. Femrat mjaft të guximshme, që i treguar historitë e tyre të ngacmimit seksual me zë të lartë, janë heroinat e mia”.

David Villa was touching me every f***ing day': Former New York City intern accuses ex-Barcelona star of groping and harassment

Ndërkohë, David Villa i mohon me zell pretendimet e tilla, duke i konsideruar sajesa të Skyler. Madje, spanjolli tha se do të merrte masa kundër saj: “I kundërshtoj me forcë akuzat e bëra për mua në Twitter. Këto akuza janë plotësisht të rreme dhe unë i mohoj kategorikisht. E përsëris, këto akuza janë krejtësisht të rreme. Ngacmimi seksual është një problem i rëndë për shumë njerëz. Çnderon ata që vuajnë ngacmime të tilla, turpëron ata që bëjnë akuza të rreme. Ekipi im ligjor punon për t’i adresuar këto akuza të rreme, kërkoj nga media dhe publiku që të respektojnë të drejtën time për prezumimin e pafajësisë në këtë çështje”.

Pas bërjes së madhe të kësaj çështjeje, klubi i futbollit i Neë York City ka filluar një hetim për incidentin: “Ne kemi mësuar për pretendimet e ngritura nga një ish-praktikante, e kemi parë ato në rrjetet sociale. E marrim këtë çështje jashtëzakonisht seriozisht dhe nuk tolerojmë ngacmime të çfarëdo lloji në asnjë fushë të organizatës sonë. Ne menjëherë filluam një hetim për këtë çështje”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Superliga vjen sot me ndeshje të jashtëzakonshme, shumëçka mund të vendoset

Elita e futbollit kosovar vjen sot me ndeshjet e javës së 34-të të cilat edhe mund ta vendosin fatin e shumë skuadrave...

Pa gola në “Camp Nou”, Atletico frenon Barcelonën dhe Messin

Mbyllet pa gola supersfida Barcelona-Atletico Madrid. Dy skuadrat po garojnë për titullin kampion dhe dhuruan një betejë sportive në “Camp Nou”. Ekipi i Diego...

Shkodran Mustafi gjen golin e parë në Bundesliga me fanellën e Schalkes

Futbollisti shqiptar me pasaportë gjermane,  Shkodran Mustafi e ka realizuar golin e tij të parë në Bundesligë në fanellën e Schalken.

Shevchenko kujton ditën kur një Maldini 36-vjeçar e la pa fjalë

Andriy Shevchenko ka kujtuar disa momente nga e kaluara e tij te Milan në një lidhje me Sky Sport. “Te Milan kanë kaluar atletë të...

Recent Comments