No menu items!
Ballina FUTBOLLI MBARËKOMBËTAR Gol spektakolar i Nafiut, por Shkëndija nuk ia del të befasojë Tottenhamin

Gol spektakolar i Nafiut, por Shkëndija nuk ia del të befasojë Tottenhamin

Më shumë sesa një eliminatore, ajo mes Shkëndijës dhe Tottenham ishte një ndeshje prestigji për kuqezinjtë nga Tetova, të cilët e luajtën vërtetë si të tillë dhe u përballën me kokën lart ndaj një kundërshtari të një niveli shumë më të lartë në të gjithë aspektet.

Në stadiumin “Tose Proeski” të Shkupit, Shkëndija u mposht me rezultatin final 1-3 dhe i dha fund aventurës në Ligën e Europës, pikërisht në turin e tretë eliminator, por ia doli që të mbajë të impenjuar në maksimum anglezët për të paktën 80 minuta lojë.

“Spurs” kaluan në avantazh që në minutën e pestë, kur pas një aksioni pa shumë pretendime, mbrojtësi i majtë Pavic u spostua shumë drejt qendrës dhe la të lirë argjentinasin Lamela, i cili gjuajti saktë dhe dërgoi sferën në rrjetën e portës së Zahov.

Pak minuta më vonë ishte pikërisht gardiani nga Maqedonia e Veriut që bëri një pritje vendimtare dhe shpëtoi Shkëndijën nga goli i dytë, ndërsa me kalimin e minutave kuqezinjtë filluan të guxojnë më shumë dhe u afruan në zonën kundërshtare me disa goditje këndore.

Pjesa e parë u mbyll me avantazhin minimal të anglezëve, ndërsa 45-minutëshi i dytë nisi më mirë për Shkëndijën, që përfitoi nga një lloj përgjumjeje e lehtë e miqve dhe filloi të zbresë shpesh drejt zonës kundërshtare.

Në minutën e 55-të ishte sulmuesi anësor Valmir Nafiu që pasi u shërbye nga Doriev mbi vijën e 16 merave, lëshoi një “silurë” me të djathtën dhe dërgoi topin në trekëndëshin e portës së Joe Hart, duke rikthyer baraspeshën.

Goli i sulmuesit shqiptar befasoi edhe një emër të madh si Jose Mourinho, i cili mori menjëherë masat për të shmangur ndonjë surprizë të mundshme, pasi në harkun e 6 minutave hodhi në fushë Lo Celso, Kane dhe Lucas.

Megjithatë golin e avantazhit e shënoi njeriu i momentit për londinezët, sulmuesi koreano-jugor Son Huen Ming, i cili përfitoi nga një top i ardhur pas grushtimit të Zahov dhe gjuajti saktë në trekëndëshin e portës së Shkëndijës.

Kur kishin mbetur 10 minuta nga fundi i ndeshjes, sulmuesi anglez Harry Kane u harrua i vetëm në zonë nga kapiteni Bejtullai dhe shënoi edhe golin e tretë pas një krosimi në Son, duke vulosur rezultatin që mbeti i pandryshuar deri në vërshëllimën finale.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Edhe një medalje e madhe për Kosovën, Akil Gjakova në finale të Evropianit

Kosova ka siguruar edhe një medalje në Evropianin e xhudos në Lisbonë. Akil Gjakova ka kaluar në finale të kategorisë deri 73 kilogramë. Akili...

Ylli i Chelsea-t zbulon prapaskenën: Doja të tërhiqesha në moshën 17 vjeç

Jorginho, mesfushori i Chelsea-t, është rrëfyer në një intervistë të dhënë për Daily Mail. “Po të isha bërë një futbollist profesionist në Brazil, do të...

Akili i pathyeshëm, kalon në gjysmëfinale të Evropianit

Me katër fitore, një pa luftë, Akil Gjakova arrin në gjysmëfinale të Kampionatit Evropian, që po mbahet në Lisbonë të Portugalisë. Në çerekfinale mundi rusin...

Sot përballja e dy trajnerëve karizmatik

Superliga e Kosovës sot sjell dy përballje interesante. Llapi që po lufton për ekzistencë, viziton Gjilanin. Ismet Munishi si trajner i ‘Skifterave’ për herë të...

Recent Comments