No menu items!
Ballina FUTBOLLI NDËRKOMBËTAR As Interi dhe as Lazio, Marash Kumbulla drejt gjigantëve të Serie A...

As Interi dhe as Lazio, Marash Kumbulla drejt gjigantëve të Serie A për 30 milionë euro

Rrufe në qiell të hapur. Kështu mund të konsiderohet lajmi i ditës së sotme për Lazio, veçanërisht, por edhe Igli Taren, se shqiptari i talentuar, Marash Kumbulla, pritet të nënshkruajë me Romën. Pra, me ”armiqtë” e mëdhenj ndërqytetas të bardhekaltërve. “Pasi Manchester United refuzoi ofertën e fundit për Smalling, klubi verdhekuq vendosi të përqendrohet te shqiptari i datëlindjes 2000, që spikati edicionin e kaluar te Verona, me të cilin marrëveshja mund të mbyllet tani. Roma po punon për një huazim me detyrim blerjeje përfundimtare për 30 milionë euro”, – shkruan Gianluca Di Marzio.
Jehonë këtij lajmi i ka bërë edhe portali pranë Lazio, “lalaziosiamonoi.it”: “Marash Kumbulla drejt Romës. Lajmi bëri xhiron e rrjetit dhe shkaktoi reagime të ndryshme. Por çfarë ndodhi në të vërtetë? Dhe çfarë roli luajti Lazio në gjithë këtë? Bardhekaltrit ishin në fakt të parët, që lëvizën me vendosmëri për lojtarin e datëlindjes 2000, pjesë e Verona. Takimi i qershorit në “Villa San Sebastiano” midis Setti dhe Lotito kishte shërbyer për të hedhur bazat e një marrëveshjeje të mundshme. Klubi “scala” kishte thënë se ishte gati të fliste për këtë, por kurrë nuk pati një mirëkuptim përfundimtar midis palëve.
Lazio fillimisht kishte vendosur në pjatë 15 milionë euro, plus bonuse dhe kartonin e Andre Anderson. Oferta më pas u rrit në 18 milionë euro, plus bonuse dhe Anderson. Por, asnjë marrëveshje. Arsyeja? Verona e vlerësoi Anderson 4 milionë euro, ndërsa Lazio të paktën dyfish. E pamundur të dilte tym i bardhë. Në atë moment, Interi doli në skenë dhe, vetëm verbalisht, pa zyrtarizuar kurrë ofertën, tha se ishte gati të jepte 20 milionë euro, huazimin e Salcedos dhe kartonin e Verganit.
Një ofertë, që Veronës i ka pëlqyer, por që nuk është kthyer kurrë në një propozim zyrtar. Pas disa javësh pritjeje, Interi u tërhoq nga gara. “Suning” vuri veton e investimit dhe Marotta u detyrua të tërhiqej. Në atë pikë Verona u përpoq të provonte përsëri marrëveshjen me Lazio, nga kjo lindën edhe thashethemet e ditëve të fundit. Igli Tare, megjithatë, me mikrofonat e fikur, gjithmonë kishte mohuar një kthim mbrapa për bashkatdhetarin e tij.
“Ne nuk jemi interesuar për të prej një kohë të gjatë”, – përsëriste drejtori sportiv vazhdimisht. Lazio nuk i pëlqente qëndrimi i Verona dhe gjithashtu i disa njerëzve të afërt me lojtarin, një situatë e ngjashme me atë të David Silva. Për këtë arsye, premtimet ekskluzive nuk u mbajtën. Lajmi për Lazio, që u kthye te lojtari, erdhi nga Verona. Padyshim ishte një mënyrë për të stimuluar konkurrencën. Tani në lojë hyn Roma, me forcë dhe ofertë që i sfidon gjithë të tjerët”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Manchester City blindon Foden me një rrogë marramendëse

Phi Foden ka shpërthyer. Në përballjen e dyfishtë kundër Borussia Dortmund në çerekfinalet e Champions League ka qenë vendimtar në të dy ndeshjet, për...

Musaila realizon dy gola, Bayern fluturon (VIDEO)

Bayern Munich e mbyll pjesën e parë në fushën e Wolfsburg me rezultatin 3-1. https://streamable.com/7jwios Pas fillimit super të djemve të Hansi Flick me golin e...

Edhe një medalje e madhe për Kosovën, Akil Gjakova në finale të Evropianit

Kosova ka siguruar edhe një medalje në Evropianin e xhudos në Lisbonë. Akil Gjakova ka kaluar në finale të kategorisë deri 73 kilogramë. Akili...

Ylli i Chelsea-t zbulon prapaskenën: Doja të tërhiqesha në moshën 17 vjeç

Jorginho, mesfushori i Chelsea-t, është rrëfyer në një intervistë të dhënë për Daily Mail. “Po të isha bërë një futbollist profesionist në Brazil, do të...

Recent Comments