No menu items!
Ballina FUTBOLLI NDËRKOMBËTAR Zaniolo, i dërrmuar nga dy lëndimet e rënda: Sa i pafat paskam...

Zaniolo, i dërrmuar nga dy lëndimet e rënda: Sa i pafat paskam qenë!

Ajo që po përjeton Nicolò Zaniolo është momenti më i komplikuar i karrierës së tij. Vetëm 21 vjeç, ai po përballet me një dëmtim të dytë të rëndë, që do ta detyrojë të bëjë operacion përsëri dhe të qëndrojë disa kohë larg fushave të futbollit.

Pasi u lëndua rëndë më 12 janar, gjatë një ndeshjeje kampionati Roma-Juventus, xhevahiri verdhekuq, i cili u kthye në fushat e blerta më 5 korrik, pësoi të njëjtin fat të keq në Hollandë-Itali, më 7 shtator. Stafi mjekësor raportoi dëmtimin e dytë të ligamentit të kryqëzuar të gjurit, një makth për talentin e Romës. Fatmirësisht, këtë herë dëmtimi ishte në gjurin e majtë, jo atë të operuarin.

Zaniolo, në një intervistë për “Corriere dello Sport”, zbuloi atë që ndjeu kur u lëndua në Amsterdam: “Çfarë mendova? Në atë kohë, as që kisha kohë të mendoja diçka specifike. Vetëm më vonë i thoja vetes: jo, përsëri! Unë sapo kam mbaruar vuajtjet me gjurin tjetër, tani duhet t’ia filloj nga e para”.

Talenti i Romës e di se çfarë e pret në muajt e ardhshëm: “Po, unë tashmë di gjithçka. E di se do të jetë e vështirë, por në të njëjtën kohë dua të besoj se është një përvojë formuese. Tashmë jam duke numëruar mbrapsht. Vazhdoj të marr mesazhe, që më bëjnë të lumtur, më stimulojnë. Nuk u përgjigjem të gjithëve, sepse do të ishte e pamundur.

Këto gjëra mund të ndodhin në punën tonë, unë thjesht dua të kthehem, të bëj atë që dua sa më shpejt. Kurrë nuk e kam menduar ta lë futbollin, asnjë çast. Natyrisht, jam i pikëlluar dhe aspak në humor. E konsideroj një përvojë tjetër të keqe, që mund të më ndihmojë të rritem. Shpresoj të mos më lënë gjunjët, unë tashmë ia kam paguar një faturë të madhe fatit të keq”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Dukagjini dhe Malisheva me fitore bindëse

Dukagjini dhe Malisheva kanë marrë fitoret e radhës për të vazhduar kështu luftën për inkuadrim në Superligë. Skuadra nga...

Shkëmbi i lumtur për fitoren në Drenas

Bledi Shkëmbi e ka vlerësuar si ndeshje shumë të vështirë ballafaqimin me Feronikelin. Trajneri i Ballkanit, Shkëmbi, megjithatë, i është gëzuar më...

Feronikeli humb, por Duro është i kënaqur me paraqitjen e ekipit!

Trajneri i Feronikelit, Klodian Duro, ka arsyetuar humbjen e skuadrës së tij ndaj Ballkanit. “Timonieri” i skuadrës nga Drenasi...

Drita fiton në “Riza Lushta”, ruan distancën me Ballkanin e Prishtinën

Goli i Festim Alidemës nga penalltia në minutën e 53-të, ia ka siguruar 3 pikë shumë të rëndësishme skuadrës së Dritës e...

Recent Comments