No menu items!
Ballina SPORTE TJERA Kampionët në fuqi eliminohen në çerekfinale, Denver rihap llogaritë me Clippers

Kampionët në fuqi eliminohen në çerekfinale, Denver rihap llogaritë me Clippers

Aventura e kampionëve në fuqi të NBA-it, kanadezëve të Toronto Raptors është mbyllur në fazën çerekfinale të Play Off-it, pasi humbën ndeshjen e shtatë dhe të fundit ndaj Boston Celtics, duke u eliminuar me rezultatin e përgjithshëm 4-3.

Sfida e zhvilluar në “AdventHealth Arena” të Orlandos ishte si një finale e vërtetë mes dy skuadrave, pasi fituesja do të vijonte për me tej, duke qenë se rezultati i përgjithshëm ishte barazim 3-3, ndërsa në fund ishin Celtics ata që ia dolën.

Kanadezët e nisën më mirë ndeshjen dhe ia dolën të fitojnë fraksionin e parë me një pikë diferencë, por në pjesën e dytë ishin Celtics që dominuan dhe rikthyen avantazhin e përgjithshëm me 4 pikë.

Toronto u përpoq të reagojë edhe një herë në fraksionin e tretë, por pa arritur të marrë avantazhin, ndërsa pjesa e fundit ishte vërtetë emocionuese, megjithatë gjithçka shkoi në favor të Celtics, që fituan 16-20 dhe gjithë ndeshjen 87-92.

Jayson Tatum dhe Jaylen Brown ishin protagonistët e Bostonit në këtë sfidë, pasi të dy bashkë realizuan 50 pikë, 20 rikuperime dhe 9 asiste, ndërsa në gjysmëfinale Celtics do të përballen me Miami Heat, që fitoi 4-1 ndaj Milwaukee Bucks.

Kur pritej që edhe Los Angeles Clippers të siguronte kalimin për në gjysmëfinale ,Denver Nuggets zhvilloi një ndeshje mjaft të mirë në ‘HP Field House’ të Orlandos dhe ia doli të marrë fitoren, duke rihapur shpresat për kualifikim.

Kawhi Leonard ishte në një formë të jashtëzakonshme për Clippers dhe regjistroi 36 pikë, 9 rikuperime dhe 4 asiste, por që nuk i mjaftuan skuadrës nga Los Angelesi për të fituar dhe për t’u kualifikuar për më tej.

Nga ana tjetër Nuggets, të udhëhequr nga kanadezi Jamal Murray, e nisën shumë keq ndeshjen dhe humbën të dy fraksionet e para, por reaguan në pjesën e tretë dhe veçanërisht të katërt, duke përmbysur gjithçka dhe duke marrë fitoren me rezultatin 105-111.

Tashmë rezultati i përgjithshëm mes dy skuadrave është 3-2 në favor të skuadrës kaliforniane, e cila është edhe favoritja kryesore për të kaluar në gjysmëfinale, ku do të përballet me fituesin e çiftit Los Angeles Lakers-Houston Rockets.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Dukagjini dhe Malisheva me fitore bindëse

Dukagjini dhe Malisheva kanë marrë fitoret e radhës për të vazhduar kështu luftën për inkuadrim në Superligë. Skuadra nga...

Shkëmbi i lumtur për fitoren në Drenas

Bledi Shkëmbi e ka vlerësuar si ndeshje shumë të vështirë ballafaqimin me Feronikelin. Trajneri i Ballkanit, Shkëmbi, megjithatë, i është gëzuar më...

Feronikeli humb, por Duro është i kënaqur me paraqitjen e ekipit!

Trajneri i Feronikelit, Klodian Duro, ka arsyetuar humbjen e skuadrës së tij ndaj Ballkanit. “Timonieri” i skuadrës nga Drenasi...

Drita fiton në “Riza Lushta”, ruan distancën me Ballkanin e Prishtinën

Goli i Festim Alidemës nga penalltia në minutën e 53-të, ia ka siguruar 3 pikë shumë të rëndësishme skuadrës së Dritës e...

Recent Comments