Ish anësori i KF Flamurtarit, Adem Maliqi, ka nënshkuar me klubin tanë, FC Feronikeli.
Maliqi shkëlqeu me klubin nga kryeqyteti, duke zgjuar interesim për transfer nga ana e klubit nga Drenasi.
Adem Maliqi është i lindur me 17/07/1997, i aftë të luajë në dy pozitat anësore të sulmit dhe shquhet për tekniken e tij të lartë.
“Unë jam shumë i lumtur që nga sot jam pjesë e FC Feronikelit, ku unë dhe klubi kemi objektiv të njëjtë, titullin kampion, objektiv për të cilin do të punojmë dhe luftojmë shumë fortë” tha Maliqi në ditën e tij të prezantimit.
Maliqi me lojën e tij do t’i japë edhe me shumë elegancë sulmit të Feronikelit.
LEXO EDHE:
Viktor Kuka prezantohet te Feronikeli
Mbrojtësi Viktor Kuka është lojtari më i ri i FC Feronikelit.
Kuka te Nikli kalon nga Ferizaj, ekip në të cilin luajti sezonin e fundit.
I lindur më 25.06.1990 Kuka ishte kampion i Kosovës në vitin 2012 dhe 2013 me skuadrën e Prishtinës dhe ne vitin 2018 u shpall kampion me Dritën.
“Për mua është një sfidë e re, jam i lumtur që jam pjesë e Feronikelit, klub i cili ka ambicje të mëdha. Nuk është hera e parë që luftoj për titull dhe shpresoj që titullin ta sjellim në Drenas” tha Kuka për faqen zyrtare të klubit.
FC Feronikeli gjatë ditës do të ketë edhe prezantime të reja.
