Trajneri i Kosovës në xhudo Driton Kuka, ka thënë se klubet po shuhen dita e ditës si pasojë e situatës së krijuar nga pandemia.
Ai i ka bërë thirrje autoriteteve që të reflektojnë karshi klubeve, karshi aktiviteteve e garave për të rinj.
“Ringjallja e klubeve sportive në Kosovë s’po ndodh! Në pritje të premtimeve për rimëkëmbjen e sportit asgjë s’po ndodh ende. Klubet e sidomos shkollat bazë të sporteve në Kosovë si shkak i pandemisë po pësojnë në mënyrë drastike!
Klubet po shuhen dita ditës si pasojë e situatës së krijuar. Shtatori muaji kur sporti ngritet me anëtarë të rinj tashmë shumicën e tyre i gjen të mbyllura e pa aktivitete sportive!
Ministria, KOK bashkë me Federatat por edhe Drejtoritë e Sporteve në Komuna reflektoni karshi klubeve, karshi aktiviteteve e garave për të rinj. Ta ringjallim sportin!”, ka shkruar Kuka në Facebook.
Rreth nesh
Futbolli.info është portal i krijuar nga gazetarë sportivë me mision të informimit të drejtë të opinionit për zhvillimet në futbollin e Kosovës, por edhe sportet tjera në vend dhe jashtë vendit.
Opinionet e juaja mund të na i dërgoni në email-in e mëposhtëm:
Na kontaktoni: futbolliinfo@gmail.com