No menu items!
Ballina FUTBOLLI VENDOR Prekazi: Gjithçka e pazakontë! Ende nuk e di sa lojtarë do t’i...

Prekazi: Gjithçka e pazakontë! Ende nuk e di sa lojtarë do t’i kem në dispozicion!

Përzgjedhësi i Kombëtares U21, Rafet Prekazi ka folur për stërvitjen e parë dhe për pengesat që po hasë për shkak të pandemisë Covid-19 në krijimin e ekipit për ndeshjen kundër Anglisë, që zhvillohet më 4 shtator në stadiumin “Fadil Vokrri”. “Sot patëm takimin e parë me lojtarë. Ende nuk jemi të kompletuar, pasi dihet që shumë lojtarë kanë pasur ndeshje mbrëmë dhe sot, derisa shumëçka varet prej situatës së pandemisë rreth udhëtimit të tyre. Me lojtarët vendor fatmirësisht nuk kemi pasur problem, derisa Kreshnik Hajrizi ka ardhur nga Zvicra me vendimin e tij personal dhe tani kur të kthehet do të jetë i detyruar të karantinohet për 14 ditë. Njëjtë ka vepruar edhe Eris Abedini, i cili do të vijë nesër, pasi klubet e tyre nuk u kanë dhënë leje për shkak të pandemisë”, ka theksuar Prekazi në RTK, përcjell Futbolli.info. Ai tutje ka thënë se çdo orë po ndërrohen informatat rreth lojtarëve dhe mbetet të shihet nesër se sa futbollistë do t’i ketë në dispozicion. Prekazi ka shprehur brengën e tij edhe rreth testimit final në laboratorin e UEFA-s që do t’i shtrohen të mërkurën. “Këtu i kemi bërë testimet në IKSHPK dhe nuk ka pasur pozitiv, por të mërkurën i kemi prej laboratorit të licencuar nga UEFA. Federata po mundohet t’i sjellë këtu që të mos maltretohen lojtarët, sepse ka gjasa që duhet të shkojmë në Shkup apo Kukës, por federata është në kontakt me UEFA-n për të bërë më të mirën. Pra për momentin janë shumë probleme. As unë dhe as stafi im nuk e dimë sa lojtarë do të arrijnë të vijnë. Janë probleme të mëdha, por duhet të jemi të fortë”, ka nënvizuar Prekazi.

Sikur të mos mjaftonte situata me pandeminë një tjetër lajm i keq për Prekazin është edhe lëndimi i mesfushorit sulmues të Dinamo Zagrebit, Lirim Kastrati. “U preka jashtëzakonisht shumë kur e mora lajmin për lëndimin e tij. E telefonova dhe Lirimi më tha: Trajner kësaj here s’po mundem të të ndihmojë. Edhe mua si trajner edhe ekipit do t’i mungojë jashtëzakonisht shumë, por kryesore që ai të shërohet sa më shpejt sepse bëhet fjalë për një lojtar shumë kualitativ. Ai ka qenë edhe në listën e Challandes për ndeshjen e dytë kundër Greqisë”, ka shtuar Prekazi. Ai ka thënë se gjithçka në këtë grumbullim është e pazakontë, pasi ka shumë gjëra që nuk dihen deri në momentin e fundit, teksa edhe në hotel ruhet distanca, madje edhe gjatë ushqimit ka distancë nga 2 – 3 metra, pasi sipas tij shëndeti është primar./Futbolli.info/

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Nga maji, tifozët do të lejohen në ndeshjet e Serie A

Kryeministri italian, Mario Graghi ka shpallur masat e reja për Covid-19. Ai deklaroi se nga prilli, sportet si futsall,...

Zemërgjerësia e Neymarit, paguan 142 punëtorë pa punuar

Neymar Junior shkëlqen edhe në luftën kundër Koronavrusit, me pandeminë që po shkatërron planetin dhe po godet fort Brazilin.

Dy gola për katër minuta, mbyllet me spektakël pjesa e parë në sfidën Everton – Tottenham

Pjesa e parë e Everton-Tottenham, ndeshja hapëse e javës së 32-të të Premier Leagues, është mbyllur me rezultatin 1-1.

Presidentja Osmani: Xhudistet tona të arta me medalje e me shpirt, po e ngrisin Republikën tonë lart e më lart!

Presidentja e Republikës së Kosovës, Vjosa Osmani ka vlerësuar lartë punën e xhudistëve kosovarë në garat ndërkombëtare në veçanti, Distria Krasniqin. Krasniqi, sot fitoi medaljen...

Recent Comments