No menu items!
Ballina SPORTE TJERA NBA – Play Off/ Lakers zhgënjejnë ndaj Portland

NBA – Play Off/ Lakers zhgënjejnë ndaj Portland

Orlando Magic e nisi mjaft mirë fazën Play Off, pasi ia doli të triumfojë me shifrat 122-110 përballë Milwaukee Bucks, në sfidën e zhvilluar në “HP Field House”.

Të udhëhequr nga malazezi Nikola Vucevic, i cili shënoi 35 pikë, rikuperoi 14 topa dhe dha 4 asiste, Magic vendosën një avantazh të konsiderueshëm që në fraksionin e parë të lojës dhe më pas menaxhuan mirë atë, për të regjistruar suksesin e parë.

Nga ana tjetër, Milwaukee Bucks bëri shumë pak për të shmangur humbjen dhe greku Giannis Antetokounmpo ishte i vetmi që u përpoq të çojë skuadrën drejt suksesin, por 31 pikët, 17 rikuperimet dhe 7 asistet e tij nuk mjaftuan për të shmangur humbjen.

Mjaft e luftuar ishte edh epërballja mes Indiana Pacers dhe Miami Heat, që në fund pa fitues këta të fundit me rezultatin final 101-113. Fraksioni i parë dhe i tretë shkuan për Pacers, ndërsa i dyti dhe i katërti u dominuan nga Heat, që ia dolën në fund të marrin suksesin edhe falë një ndeshjeje mjaft të mirë të dyshes Butler-Dragic.

James Harden ishte fantastik për Houston Rockets pasi shënoi 37 pikë, rikuperoi 13 topa dhe dha 3 asiste, duke ndihmuar skuadrën e tij të marrë fitoren me rezultatin 123-108 përballë Ocklahoma City Thunder, në sfidën e parë Play Off mes të dy ekipeve.

Rockets dominuan ¾-at e lojës dhe lëshuan vetëm në fraksionin e fundit, të cilin Ocklahoma e fitoi me shifrat 19-25, por avantazhi i Houston ishte i konsiderueshëm dhe ishte e pamundur që të ndryshohej fati i takimit.

Zhgënjen në sfidën e parë Play Off edhe Los Angeles Lakers, që u mposht nga Portland Trail Blazers me shifrat 93-100. Që prej rifillimit të kampionatit, skuadra kaliforniane nuk ka treguar një formë të mirë dhe kjo u pa edhe mbrëmjen e djeshme, ku fituan vetëm një nga 4 fraksionet e lojës.

Dyshja Anthony Davies – LeBron James mbetën në hije përballë sportistit të Portland Trail Blazers, Damian Lillard, i cili ishte edhe më i miri i ndeshjes me 34 pikë të shënuara, 5 topa të rikuperuar dhe 5 asiste.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Edhe një medalje e madhe për Kosovën, Akil Gjakova në finale të Evropianit

Kosova ka siguruar edhe një medalje në Evropianin e xhudos në Lisbonë. Akil Gjakova ka kaluar në finale të kategorisë deri 73 kilogramë. Akili...

Ylli i Chelsea-t zbulon prapaskenën: Doja të tërhiqesha në moshën 17 vjeç

Jorginho, mesfushori i Chelsea-t, është rrëfyer në një intervistë të dhënë për Daily Mail. “Po të isha bërë një futbollist profesionist në Brazil, do të...

Akili i pathyeshëm, kalon në gjysmëfinale të Evropianit

Me katër fitore, një pa luftë, Akil Gjakova arrin në gjysmëfinale të Kampionatit Evropian, që po mbahet në Lisbonë të Portugalisë. Në çerekfinale mundi rusin...

Sot përballja e dy trajnerëve karizmatik

Superliga e Kosovës sot sjell dy përballje interesante. Llapi që po lufton për ekzistencë, viziton Gjilanin. Ismet Munishi si trajner i ‘Skifterave’ për herë të...

Recent Comments