No menu items!
Ballina FUTBOLLI NDËRKOMBËTAR Gjermanët bëjnë “hajgare” me Messin: Mezi po priste të shkonte me pushime…

Gjermanët bëjnë “hajgare” me Messin: Mezi po priste të shkonte me pushime…

Gjermanët u zgjuan këtë të shtunë midis habisë dhe mosbesimit: Ishte një ëndërr apo e vërtetë? Kur hapën gazetat, kuptuan se fitorja 8-2 e Bayern Munich kundër Barçës së Messit ishte aq e vërtetë sa 7-1 i “Mannschaft” kundër Brazilit, në gjysmëfinalen e Kupës së Botës 2014. Fillimisht foli njëri nga protagonistët, që i jetoi të dyja netët e lumtura në fushën e blertë. “Kundër Brazilit nuk ishim aq dominues sa sonte”, – tha Thomas Müller, sapo përfundoi ndeshja.

Shtypi gjerman u ekzaltua me kampionët e Bundesligës dhe bëri “hajgare” me Blaugrana-t. “Ishte një tjetër nivel, një shkatërrim, një poshtërim dhe një shfaqje e forcës”, – shkroi “Bild” në versionin e tij në internet, duke nënvizuar se “diçka “historike kishte ndodhur”. Sa i përket figurës së Messit, vlen të përmendet ashpërsia me të cilën iu drejtuan atij disa bavarezë . “Opsionet nuk ishin të gjitha të këqija për të. Ai kishte planifikuar pushime për ditën tjetër, mezi po priste”, ironizoi ish-lojtari i Bayernit, Mehmet Scholl.

Lojtarët aktualë të gjigantëve bavarezë, gjithashtu nuk kishin dhembshuri në deklaratat e tyre. Kur u pyet nëse ndien keqardhje për Messin, kur e panë “të shtrirë në tapet”, Leon Goretzka u tha kamerave të “Sky”: “Nuk ishte keq, ai më argëtoi”. Sa i përket rëndësisë së fitores, Goretzka shtoi: “Ne jemi euforikë. është diçka shumë e veçantë. Unë mendoj se do të zgjasin disa ditë derisa ta asimilojmë atë që kemi përjetuar”.

Shoku i tij i skuadrës dhe kombëtares, Joshua Kimmich, u pajtua me këtë qëndrim: “Kjo që kemi bërë, tetë gola kundër Barcelonës, është e vështirë për t’u kuptuar. Ishte e jashtëzakonshme”.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Bunjaku shpalos detajet e projektit VAR: FIFA na ka përgëzuar për punën e bërë

VAR-i në Kosovë do të bëhet realitet në një të ardhme të afërt. Edhe pse ka të tillë që ende nuk besojnë...

Statovci: Nuk e di çfarë kërkojnë klubet pa stadiume në Superligë!

Ish-futbollisti i njohur kosovar, Faruk Statovci, tani në rolin e analistit ka kritikuar klubet e vogla, e sidomos ato që nuk kanë...

Munishi jep vlerësimin e tij për rastin diskutabil te Prishtina-Llapi

Ismet Munishi ka folur për rastin diskutabil në ndeshjen Prishtina – Llapi. Llapjanët janë ankuar në një penallti të...

Boshnjaku: Rezultatet na mundësojnë të luftojmë për dy trofetë

Me fitoren e Dritës ndaj Feronikelit të dielën (sot) ka përfunduar edhe java e 23-të në Superligën e Kosovës në futboll.

Recent Comments