No menu items!
Ballina FUTBOLLI VENDOR Presidenti Thaçi kujton takimin e parë me Legjendën, Fadil Vokrri

Presidenti Thaçi kujton takimin e parë me Legjendën, Fadil Vokrri

Presidenti i Kosovës, Hashim Thaçi, e ka kujtuar Fadil Vokrrin me një postim në llogarinë e tij në Facebook, në kuadër të rubrikës #Njerëztëpaharrueshëm. Thaçi kujtoi se si bashkë me ish-presidentin Ibrahim Rugova e kishin takuar për herë të parë Vokrrin, për të cilin pati lëvdata të shumta.

Fadil Vokrri ndërroi jetë në mënyrë tragjike më 9 qershor të vitit 2018, pas një sulmi në zemër. U nda nga jeta në moshën 57-vjeçare, sa ishte kryetar i Federatës së Futbollit të Kosovës.

Pas karrierës së tij mbresëlënëse si futbollist, Vokrri e mori përgjegjësinë e pozitës së presidentit të Federatës së Futbollit të Kosovës më 16 shkurt 2008, dhe këtë pozitë e mbajti deri në vdekjen e tij.

Vokrri e shtroi rrugën për suksesin e treguar në Ligën e Kombeve, ku Kosova u promovua nga Liga D në Ligën C dhe e siguroi një vend në play-offs për kualifikime në Kampionatin Evropian. Falë punës së tij në FFK, Kosova u anëtarësua në UEFA dhe në FIFA në maj të vitit 2016.

Për këto arritje të tij, Thaçi e ka përfshirë atë në rubrikën #njerëztëpaharrueshëm, që është iniciativë e tij për t’i kujtuar personalitetet që kanë ndikuar në formësimin e tij.

“Si i ri jam rritur duke e dashur dhe simpatizuar klubin futbollistik “Trepça”. Dashuria e gjeneratës sime për futbollin në vitet 80-ta ishte e lidhur ngushtë me emrin e Fadil Vokrrit”, ka shkruar Thaçi në llogarinë e tij në Facebook.

“Ai shënonte gola kudo që luante. Aq sa ishin emocion dhe gëzim sportiv golat e Fadilit, po aq ishin edhe protestë politike. Si simpatizant i tribunave, atë për herë të parë e takova fizikisht në Paris, në vitin 1999, ku bashkë me presidentin Rugova dhe me disa bashkatdhetarë e pimë nga një gotë”.

“Edhe pse Kosova përballej me spastrim etnik nga pushtuesi serb, Fadili, i cili nuk përzihej në politikë, ia dinte rëndësinë paqes dhe me padurim priste që përvojën sportive të tij dhe të asaj gjenerate ta bartnin tek të rinjtë e Kosovës”.

“Ëndrra e tij u bë realitet! Me urtësinë, mençurinë dhe talentin e tij, ai arriti të bëhet i nderuar kudo nëpër botë. Edhe pse asokohe UEFA dhe FIFA ende i kishin të mbyllura dyert për Kosovën, emri i Fadilit e hapte çdo derë”.

“Me anëtarësimin e Kosovës në UEFA dhe FIFA, ai na bëri të ndjehemi krenarë dhe me identitet sportiv. Çdo moment i lojës së ekipit të Kombëtares së Kosovës është emocion i veçantë. Edhe minuta e nëntë që simbolizon numrin që e bartte Fadil Vokrri është e veçantë dhe mbetet histori”.

“Golat e Fadilit janë të papërsëritshme. Fadili mbetet i pazëvendësueshëm”. 

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Klopp do të largohet nga Liverpool, kjo është oferta që e josh!

Kohës së Jurgen Klopp në krye të Liverpoolit duket se po i vjen fundi. Kjo është ajo që bëjnë me dije mediat angleze, sipas...

Superliga vazhdon sot me dy ndeshje, derbi zhvillohet në Podujevë

Sot do të zhvillohen dy ndeshjet e radhës në kuadër të javës së 22-të në Superligën e Kosovës në futboll. Kampioni në fuqi, Drita, pritet...

Bayern blindon talentin, arrin akordin për rinovimin e kontratës

Para pak ditësh Gjermania mundi të bindë Jamal Musiala të bashkohet me kombëtaren e “Panzerave” dhe jo të Anglisë. Mbrëmjen e djeshme ka pasur...

A i paska FFK-ja dy Agim Adema? Derisa presidenti po zhvillon takime në Gjermani, kush është Agimi tjetër që po “rrahet” korridoreve të FFK-së?

Dikush po rrenë, po rrenë aq dobët e aq paskrupullt, saqë demantohet tepër lehtë, tepër thjeshtë, por, cila është arsyeja?Gjatë ditë së sotme, në...

Recent Comments