No menu items!
Ballina FUTBOLLI VENDOR FFK paralajmëron klubet; Respektoni strikt masat antiCovid-19!

FFK paralajmëron klubet; Respektoni strikt masat antiCovid-19!

Sot zhvillohen ndeshjet e fundit të këtij edicioni në Ipko Superligë. 90 minutat e ndeshjeve të sotme vendosin skuadrën nënkampione, e cila e fiton të drejtën e përfaqësimit në Ligën e Evropës, si dhe skuadrën e katërt dhe të fundit, e cila do t’i thotë lamtumirë shoqërisë elite. Pa dyshim, ndeshja më e ‘nxehtë’ do të zhvillohet në kryeqytet ndërmjet Flamurtarit dhe Gjilanit, sfidë nga e cila do të përcaktohet me gjasë se cila skuadër do të luajë në Evropë dhe cila do të përshëndetet nga elita. Në prag të ndeshjeve të sotme, FFK ka lëshuar një komunikatë nëpërmjet të cilës kërkon nga klubet respektim strikt të masave, duke pasur parasysh se një ditë më parë kryeministri Avdullah Hoti u shpreh i pakënaqur me respektimin e masave nga ana e qytetarëve, si dhe me mos kontrollimin e masave nga policia.

Komunikata e plotë e FFK-së

Fundi i këtij kampionati maratonik erdhi. Sot zhvillohen ndeshjet e javës së 33-të (të fundit) për këtë edicion të garave në Ipko Superligë.
Ky kampionat ishte i veçantë nga të gjithë të tjerët, ngase për herë të parë ishim të detyruar që të luajmë edhe në muajt e verës dhe pa praninë e tifozëve. E gjithë kjo ndodhi për shkak të pandemisë Covid-19, më të cilën po ballafaqohet e tërë bota.
Natyrisht, javëve të fundit situata në vendin tonë është përkeqësuar dukshëm dhe virusi është përhapur kudo. Si rrjedhojë Qeveria ka shtrënguar masat për parandalimin e këtij virusi, me ç’rast janë ndërprerë edhe aktivitetet sportive, me përjashtim të garave në Ipko Superligë.
Andaj, duke u dëshiruar suksese dhe përmbushje të objektivave, kërkojmë që klubet t’u përmbahen dhe të respektojnë në mënyrë strikte udhëzimet e parapara me protokollin e organizimit të ndeshjeve në kushtet e pandemisë të dhëna nga Instituti Kombëtar i Shëndetësisë Publike dhe Ministria e Shëndetësisë.
Pra, të gjithë personat e pranishëm në ndeshje janë të obliguar të mbajnë maska dhe të mbajnë distancë, teksa në stadium nuk guxon assesi të ketë të pranishëm të tjerë përveç personave që janë të lejuar nga udhëzimi i lëshuar nga FFK pas rifillimit të kampionatit.
Kudo që do të ketë shkelje të protokollit sanitar dhe prani të personave jokompetentë, zyrtarët e FFK-së do të reagojnë dhe nuk do të lejojnë zhvillimin e ndeshjes. Prandaj, kërkojmë nga klubet përgjegjësi maksimale edhe në këto ndeshje, në mënyrë që ta përmbyllim këtë kampionat me dinjitet dhe mos të vjen deri te ndërprerja e aktivitetit nga ana e organeve shtetërore.
Me këtë rast, FFK i falënderon të gjitha institucionet të cilat treguan mirëkuptim dhe na lejuan zhvillimin e garave të Superligës në këto rrethana të vështira.

Me respekt,
Federata e Futbollit e Kosovës

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Bledar Devolli tregon kush është trajneri më i mirë në Kosovë

Sot u zhvilluan dy ndeshje të xhiros së 22-të të Superligës së Kosovës në futboll. Ballkani u mposht minimalisht në derbin e javës nga Llapi...

Munishi tregon si e mposhti Llapi ish-skuadrën e tij Ballkanin

Xhiro e 22-të e Superligës së Kosovës sot na solli dy ndeshje të cilat ndikuan në ndryshimin e renditjes tabelare, duke e...

Deklaratë e përbashkët e Ademit dhe Salihut: “Grushtimi ynë”, sajesë e portalit që prodhon rrena!

Dy drejtuesit e futbollit kosovar, Agim Ademi e Eroll Salihu kanë reagur sonte me një deklaratë të përbashkët, pasi ditën e djeshme portali "Gazeta...

Shkëmbi: Llapi e meritoi fitoren, ne luajtëm dobët

Trajneri i Ballkanit, Bledi Shkëmbi ka vlerësuar se skuadra që drejton luajti dobët ndaj Llapit. Llapi në Podujevë e mposhti Ballkanin me rezultatin 1:0. Sipas...

Recent Comments