No menu items!
Ballina FUTBOLLI VENDOR Tovërlani ironik: As 'Google' nuk e njeh Agim Sopin!

Tovërlani ironik: As ‘Google’ nuk e njeh Agim Sopin!

Trajneri më i trofeshëm kosovar, Afrim Tovërlani, i është kundërpërgjigjur paraardhësit të tij te Feronikeli, Agim Sopit.

Ky i fundit akuzoi Feronikelin për matematika të shumta këtë sezon, duke shtuar se me të në krye të skuadrës, klubi s’do të mund të bënte kaq shumë kalkulime.

I njohur për deklarata kontraverse, tekniku prishtinas ironizoi hapur me Sopin dhe tha se nuk e njeh fare se kush është ai.

“Më falni, por s’kam koment për të. Nuk e di se kush është ky. A ka fituar ndonjëherë ndonjë trofe? Zakonisht, kush fiton tituj e kupa, gjinden lehtë në Google. E kërkova por nuk po e gjejë këtë zotëriun”, deklaroi Tovërlani për Olle.

Pas ardhjes së Tovërlanit te Feronikeli, klubit iu shtua oreksi për daljen në Evropë sepse fillimi ishte shumë i mirë, megjithatë ai objektiv ishte i paarritshëm.

Në krye me Tovërlanin, Feronikeli pritet të luftojë për titullin kampion në edicionin e ardhshëm.

Ndërkohë, ish-trajneri i Feronikelit, Agim Sopi, për Sheshin ka theksuar se ka mbetur i befasuar për të keq me futbollin kosovar. Ai thotë se presioni i madh i klubeve në Federatën e Futbollit të Kosovës dhe gjyqtarët e ndeshjeve ka bërë që niveli të ulet për fat të keq. Thotë se disa ndeshje nuk do t’i harrojë asnjëherë në jetë.

“Në Kosovë është liga më e korruptuar në Evropë. Klubet bëjnë presion të madh te gjyqtarët dhe Federata, po flas për këtë pjesën se çfarë kam parë unë. Nuk do t’i harroj skenat e ndeshjeve nga stoli i kundërshtarëve. Presione të tilla nuk kam parë asnjëherë në karrierën time. Nuk e di se si gëzohen disa trajnerë me fitore të tilla se çfarë po i arrijnë tash. Ata e dijnë shumë mirë se si i kanë fituar ato ndeshje dhe si mund t’u flasin futbollistëve, kur e dijnë se si kanë fituar. Personalisht nuk do të qëndroja as pesë minuta në ato situate, nëse veçse do më kishte kërkuar dikush diçka tjetër përpos fitores. Është marre e madhe se çfarë po ndodh në futbollin kosovar”, theksoi Sopi.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Shkëmbi: Llapi e meritoi fitoren, ne luajtëm dobët

Trajneri i Ballkanit, Bledi Shkëmbi ka vlerësuar se skuadra që drejton luajti dobët ndaj Llapit. Llapi në Podujevë e mposhti Ballkanin me rezultatin 1:0. Sipas...

Batatina: Meritat për fitore u takojnë lojtarëve, synojmë Evropën

Trajneri i Llapit, Tahir Batatina ka thënë se meritat për fitoren kundër Ballkanit u takojnë futbollistëve të tij. Llapi mposhti Ballkanin të dielën me...

Dukagjini fiton derbin ndaj A&N, ja të gjitha rezultatet e Ligës së Parë!

Dukagjini ka triumfuar në kryendeshjen e javës, derisa e ka mposhtur skuadrën e A&N në udhëtim me rezultat 1-0. Fitore tejet të rëndësishme ka realizuar...

Llapi zbret Ballkanin nga froni

Llapi ia ka pamundësuar vazhdimin e kryesimit të kampionatit nga Ballkani. Fitorja e të dielës e ka vendosur Dritën në vendin e parë.  Llapi e ka...

Recent Comments