No menu items!
Ballina KRYESORE Kurdisje në ndeshjen Trepça'89 – Llapi? Prokurori konfirmon se është duke verifikuar...

Kurdisje në ndeshjen Trepça’89 – Llapi? Prokurori konfirmon se është duke verifikuar informatat fillestare

Shumë e diskutuar ishte ndeshja mes Trepçës 89 dhe Llapit të shtunën, në kuadër të javës së 31-të në Superligën e Kosovës në futboll.

Takimi përfundoi me rezultat 5-4 në të mirë të mitrovicasve, por me kthesë të bujshme në rezultat në kohën shtesë, teksa përballja vazhdoi për 100 minuta.

Dyshimet u ngritën menjëherë pas vërshëllimës së fundit, duke u nënvizuar fakti se deri në minutën e 90-të Llapi po avanconte 4-3, por nikoqirët arritën që në kohën shtesë të përmbysnin gjithçka dhe të triumfonin, shkruan Periskopi.

Ish-futbollisti kosovar, Fidan Hasani shprehu bindjen e tij në kurdisje me anë të një postimi në Facebook, ku shkroi:

“Super ndeshja qe as DigitAlb nuk e dha direkt Trepça ’89 – Llapi që u luajt 100 minuta. Miqësore, vëllazërorë, që u kthy në hendboll, po u luajtën 100 minuta e në fund u kry 5:4”, ka shkruar Hasani.

“Por kujdes, ndeshja deri në minutën e 90-të ishte 4-3 për Llapi. 10 minuta shtesë, dy gola dhe fitore për Trepçen 89 Golat minutat 92 dhe 98”.

“Ai pretendenti për kryetar të FFK-së keq e ka leshu bajrakun sot. Keq se krejt Kosova e din cka din ti me ba në këso lojë…!! A keni ftyr me fol maa marreee !!!!!”.

Hasani nuk ishte i vetmi që reagoi, teksa pati edhe të tjerë që ngritën shqetësime.

 

Periskopi, të dielën, ka kontaktuar me Prokurorin Besim Kelmendi dhe e ka pyetur nëse është në dijeni të akuzave si dhe mbarëvajtjes së kampionatit.

“Ne si Këshill për parandalimin dhe sanksionimin e dhunës dhe dukurive negative në sport, jemi duke përcjellur secilën informatë nga cdo ndeshje, dhe jemi duke i përcjellur për verifikim dhe hetime në Prokuroritë kompetente,” u shpreh Kelmendi për Redaksinë e Sportit të Periskopit.

I pyetur nëse ka informata kredibile për një kurdisje të mundshme në ndeshjen në fjalë, Kelmendi shtoi:

“Jemi në fazën fillestare dhe Prokurori do të verifikojë informatat fillestare për të shikuar mundësinë e fillimit të hetimeve për kurdisje.”

Kujtojmë se me tri pikët e fituara në ndeshjen kundër Llapit, Trepça 89 i ka mbajtur gjallë shpresat për mbijetesë dhe tash është vetëm tri pikë larg zonës së shpëtimit.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

- Advertisment -

Të fundit

Cassano: Interi është qesharak në Ligën e Kampionëve. Futboll në Itali nuk luajnë ata, por Atalanta

Ish sulmuesi i Milanit dhe Interit Antonio Cassano foli me mikrofonat BoboTV duke skanuar situatën e Interit. “Ka gjetur një qëndrueshmëri të madhe. Skuadra...

Reali barazon në frymën e fundit ndaj Sociedad, titulli largohet akoma më shumë 

Reali i Madridit nuk ka shkuar më shumë se një barazim 1-1 mbrëmjen e sotme ndaj Sociedadit në shtëpi. Një barazim që...

Java e 23-të në Superligë luhet në fundjavë, vëmendja në “Fadil Vokrri” dhe “Rexhep Rexhepi”

Java e 23-të në Superligën e Kosovës do të vazhdojë në fundjavë. Fillimisht, ndeshja e parë do të luhet...

Tifozët e Ballkanit nisin ta kërkojnë rikthimin e Ismet Munishit

Dy ndeshjet e fundit pa fitore e po ashtu edhe eliminimi nga Kupa e Kosovës ishin të mjaftueshme që aventura e Bledi...

Recent Comments