No menu items!
Ballina FUTBOLLI NDËRKOMBËTAR Reali fiton titullin e 34-t në Spanjë, Barcelona e mbyll me humbje...

Reali fiton titullin e 34-t në Spanjë, Barcelona e mbyll me humbje ndaj Osasunas

Real Madridi ka thyer dominimin e Barcelonës duke fituar zyrtarisht titullin kampion në Spanjë. Ekipi madrilen fitoi me rezultatin 2-1 ndaj Villarrealit dhe kaq mjaftoi për të shpërthyer festa në kryeqytetin spanjoll. Zinedine Zidane riktheu titullin e munguar prej sezonit 2016-17 kur madrilenët e fitonin për herë të fundit.

“Los Blancos” kanë vuajtur shumë këtë sezon, pasi kanë patur shumë oshilacione por në fund çojnë titullin lart për të 33 herë në histori. Heroi i madrilenëve ishte Karim Benzema që shënoi dy gola në ndeshjen e sotme. Ai hapi ndeshjen në minutën e 29′ pas një pasimi të saktë nga Modric. Sulmuesi nuk gaboi duke çuar topin në rrjetë për 1-0. Rezultat ky që mbylli dhe 45 minutat e para.

Pjesa e dytë solli dhe golin e qetësisë për vendasit. Ata shënuan me penallti në minutën e 77′ po me Benzemanë. Ramos u pengua në zonë, por kapiteni nuk e gjuajti vetë. Ai ia dha Benzemasë që ndjek Messin për Këpucën e artë. Benzi ka momentalisht 21 gola, kundrejt 23 të Messit. Miqtë ngushtuan rezultatin me anë të Iborras, por një gol që mbeti vetëm për statistikë. Në fund të sfidës, Asensio gjeti rrjetën për 3-1 në të 90’+5′ minutë, por VAR e hoqi golin.

Barcelona humbi në shtëpi 1-2 kundër Osasunas në Camp Nou. Katalanasit dukeshin të dorëzuar për titullin kampion, madje rrezikonin dhe të humbisnin sfidën. Miqtë shënuan të parët me anë të Joses në minutën e 15′. Goditja e tij mposhti Ter Stegen dhe mbylli pjesën e parë me rezultatin 0-1. Lionel Messi reagoi me një supergol në të 62′ nga një goditje dënimi. Argjentinasi barazoi rezultatin në 1-1, por që nuk vleu. Torres shënoi për Osasunan në të 90’+4′ dhe i dha fitoren miqve për 1-2.

Lini një përgjigje

Ju lutemi shkruani komentin tuaj!
Ju lutemi shkruani emrin tuaj këtu

Reklamë
Reklamë

Të fundit

Beni Simitçiu: Futsalli kosovar ka të ardhme premtuese

Përzgjedhësi i përfaqësueses së Kosovës dhe trajneri i një prej skuadrave më të mëdha të futsallit në Çeki, Sparta, Beni Simitçiu, është intervistuar...

Trajneri që shpalli Prishtinën kampion tregon momentin më të vështirë në kampionat

Trajneri që shpalli Prishtinën kampione të Kosovës në futboll pas tetë vjetësh, Zekirija Ramadani, e vlerëson këtë titull si njërin ndër më...

Grumbullimi i parë i Kosovës A te femrat

Sot (e hënë) pasdite është bërë grumbullimi i parë i Kosovës A në konkurrencën e femrave. Takimi ishte më shumë informativ dhe...

Partizani madhështor thyen Teutën në Durrës, Mazrekaj hesht Tiranën

Është mbyllur java e 34-të në Superioren e Shqipërisë. Ndeshja kryesore është zhvilluar në “Niko Dovana”, aty ku Partizani...

Recent Comments